欣宜現身聖誕亮燈儀式 周勵淇或與陳曉東方力申演出

欣宜現身聖誕亮燈儀式 周勵淇或與陳曉東方力申演出

鄭欣宜、周勵淇及鋼琴家牛牛等日前出席聖誕亮燈儀式,講到聖誕節嘅安排,欣宜話自己會喺工作中渡過,仲話自己嘅Schedule已經排滿工作,覺得非常之充實,不過唯一失望嘅係,連同朋友交換禮物慶祝嘅時間都冇呀。

對於嚟緊各個音樂頒獎禮,欣宜就自嘲係有妄想症程度嘅信心,仲搞笑話即使他日自己已經退休,都仲會好有信心覺得自己可以攞獎呀。講到好姐妹林欣彤近日回復單身,欣宜話有以短訊問候對方,又指林欣彤係個好叻女仔,畀啲時間佢就會OK。

早前周勵淇同方力申為陳曉東擔任演唱會嘉賓,勾起觀眾唔少回憶,呢晚周勵淇就話估唔到觀眾嘅反應會咁大,佢又透露有唔同嘅單位都聯絡緊佢哋,想睇下呢個組合會唔會可以有啲後續嘅事情發生。周勵淇又話因為自己都有一段時間冇唱歌,所以嗰次做完嘉賓之後,都令佢嘅歌癮出返嚟,所以都研究緊出年會唔會有啲新計劃見大家。至於講到近日嘅工作,啱啱拍完電影嘅周勵淇表示而家正處於休息狀態,亦有睇緊一啲劇本,佢指明年將會再開拍另一齣電影,但最主力嘅工作都係照顧小朋友呀!

李英愛出席「第17屆亞洲電影大獎」頒獎禮 自揭與劉德華早有淵源

53歲女星李英愛於2003年主演電視劇《大長今》走紅,出道超過30年累積多部經典作品,更憑藉電影《親切的金子》一舉奪下青龍獎影后,演技實力備受外界肯定,她日前在「第17屆亞洲電影大獎」中,獲頒卓越亞洲電影人大獎,表揚她在影視圈的貢獻,並接受香港節目訪問,表示自己與香港有很深淵源,還透露自己其實20歲就與天王劉德華合拍廣告。

李英愛接受訪問透露,自己與香港很有緣,上一次到香港是2019年擔任音樂大獎MAMA的頒獎嘉賓,「今次相隔5年再來,香港粉絲熱情的歡迎令我很驚訝,知道大家還記得我很高興,同時會藉今次機會,好好品嚐點心」。

李英愛講到跟香港的淵緣,應該是始於跟劉德華合作拍朱古力廣告︰「20歲那時剛出道,就跟劉德華合作拍廣告,當時他已經是巨星;大約20年前與梁朝偉就在斧山電影節撞過面。」她笑言有幻想過三人合作拍《無間道》續集。

 相關推薦

熱門搜尋