[獨家]Gigi新歌完整版正式推出 MV各區遊走重新發現香港

正在使用小窗口模式播放

[獨家]Gigi新歌完整版正式推出 MV各區遊走重新發現香港

加載中...

由Gigi炎明熹主唱嘅廣告歌早前推出之後,唔少歌迷都當時已經不斷敲碗,希望創作歌曲嘅 伍仲衡 推出完整版本,而21號呢首《好想約你》就正式推出,拍MV當日Gigi仲遊走喺街頭,又搭小輪渡維港,佢仲拎住相機紀錄唔同地方嘅景色呀。

Gigi仲話呢次去到唔同景點拍攝,反而令佢有機會好好感受一下唔同特色,自從入行之後同時要兼顧事業同學業,呢日偷閒慢活坐小輪就令佢非常開心喇。

雖然呢日佢要拎住相機周圍影,不過第一次接觸相機嘅佢,就被又要測光又要對焦搞到頭都大埋喇。自從由《聲夢》畢業之後,Gigi可以話發展得非常唔錯,不過近日《聲夢2》面對海外高手嘅踢館,「大師姐」Gigi自己都緊張埋一份,仲話好似見返以前嘅自己一樣,更加話《聲夢2》嘅表現非常之好,自愧不如咁話喎。

年紀輕輕就要同步兼顧讀書同工作,Gigi就話最近終於略為習慣呢種生活,開始識得調整自己嘅心態,仲講笑話可能年紀大咗識得減壓咁話呀。

 相關推薦