開心無敵獎門人｜《超能使者》異能死火 鋪鋪Poker嗌爆喉嚨

台慶劇《超能使者》幾位演員，同J2節目《鋪鋪Poker》嘅主持呢日齊齊為《開心無敵長門人》擔任嘉賓，「膠」勇 陳山聰 喺節目就真係出盡力玩完全冇包袱，搞到現場同家庭觀眾都笑到抽筋呀。

事後玩到聲都沙埋嘅佢哋，就話「大電視」最難玩， 劉穎鏇 劉佩玥 張國強 楊卓娜 仲有 林子善 佢哋就話，見山聰出盡九牛二虎之力先令大家估啱，真係有啲唔好意思呀。至於「彈遮遮」環節收到洗頭水，子善就由頭洗到落腳當沖涼呀。

而喺「口噏噏」一樣搞到聲嘶力竭嘅，就有 JW ERICKWOK 方力申 劉浩龍 陳欣茵 同黃紫恩 佢哋，事後佢哋仲猛話呢個Game係不可能的任務呀。