超能使者丨陳展鵬畀詩詠摑到見暈兼「爆血管」 劉穎鏇跌膊晒姣功誘甩拖高

台慶劇《超能使者》嘅「阿鏈」陳展鵬繼上周失常戲交岀「視帝級」演技後,噚晚講到精神病獲治好嘅阿鏈,終於記起家中巨變事實,頓時覺得生無可戀,一度自我放棄露宿橋底,其間遭魚蛋仔(唐嘉麟飾)拳打腳踢兼逼食「地下飯」。
Q姨屢勸阿鏈回家,但阿鏈繼續自暴自棄,不肯離開。Q姨屢勸阿鏈回家,但阿鏈繼續自暴自棄,不肯離開。魚蛋仔帶人欺負阿鏈,仲攞湯倒頭淋阿鏈。魚蛋仔帶人欺負阿鏈,仲攞湯倒頭淋阿鏈。阿鏈被迫食「地下飯」。阿鏈被迫食「地下飯」。

「超能使者」不忍阿鏈被霸凌侮辱上前營救,惟阿鏈屢勸不聽,繼續吃「地上飯」大啖大啖扒入口,更爆Seed認「廢人」、「地底泥」,仲叫「超能使者」走,最終Q姨(唐詩詠飾)狠狠一巴,令唔少網民大嗌心悒並洗版式激讚,仲話睇到流眼水。
好友們勸阿鏈返屋企,阿鏈卻爆Seed自認廢人。好友們勸阿鏈返屋企,阿鏈卻爆Seed自認廢人。
過去兩集陳展鵬將各種情緒發揮得淋漓盡致,對於演技再獲觀眾肯定,陳展鵬表示好開心,多謝大家畀好多唔同意見同方向,認為要進步就一定要接受批評,觀眾就好似家人咁督促佢成長;呢次
陳展鵬為求逼真演邋遢造型,當日「就地取材」將戲服掉落地再捽污糟,而「趴地扒飯」呢幕NG咗三、四次先收貨:「最難過係第一Take,因為我未克服到仲係忌住忌住咁,所以表情唔得。」

睇唔過眼嘅Q姨狠摑阿鏈一巴。睇唔過眼嘅Q姨狠摑阿鏈一巴。

陳展鵬續指被摑戲係一Take過完成,事前刻意要求唐詩詠出盡全力打:「畀佢打完我都有啲暈暈哋、成個人Freeze咗,因為真係食得好應,嗰日返到屋企都見到牙骹位爆咗少少微絲血管。」

Open姐嘅水著廣告引來逸熹垂涎。Open姐嘅水著廣告引來逸熹垂涎。逸熹欲侵犯Open姐,幸高勇及時趕到。逸熹欲侵犯Open姐,幸高勇及時趕到。
噚晚另一焦點係阿鏈及高勇(陳山聰飾)輪流鬥Chok救人,話說Open姐(劉穎鏇飾)水著廣告引來大老闆賀逸熹(陳國峰飾)垂涎,後者借食飯之名乘機侵犯Open姐,雖然高勇及時救走Open姐,但卻遭逸熹帶人上門追殺。
Open姐被逸熹挾持,高勇赤手空拳以一敵眾,化身「人肉盾牌」Man爆為Open姐擋子彈,之後逸熹轉移目標向Q姨開槍,此時重新振作嘅阿鏈Chok爆現身,對逸熹開出致命一槍。Open姐被逸熹挾持,高勇Man爆以一敵眾救人。Open姐被逸熹挾持,高勇Man爆以一敵眾救人。阿鏈以「停頓時間」超能力停住子彈,他將子彈彈走後再向逸熹開了幾槍,然後以「時間倒流」超能力令對方翻生。阿鏈以「停頓時間」超能力停住子彈,他將子彈彈走後再向逸熹開了幾槍,然後以「時間倒流」超能力令對方翻生。

最後阿鏈以「時間倒流」超能力令逸熹翻生,惜此舉卻為「正邪之戰」埋下伏線,今晚一集賀慶隆(歐瑞偉飾)將向「超能使者」發出江湖追殺令!另邊廂,高勇與女友小冰Icy(葉蒨文飾)分手,為助高勇走出情傷,Open姐施盡姣功令對方墮入「愛情陷阱」。到底Open姐與高勇最終能否擦出愛火?密切留意今(22日)晚播出的《超能使者》。
今晚賀慶隆向一眾「超能使者」發出江湖追殺令,為兒子逸熹報仇。今晚賀慶隆向一眾「超能使者」發出江湖追殺令,為兒子逸熹報仇。Open姐話要使出「姣功」幫高勇療情傷。Open姐話要使出「姣功」幫高勇療情傷。陳展鵬為求逼真演邋遢造型,當日「就地取材」將戲服掉落地再捽污糟。陳展鵬為求逼真演邋遢造型,當日「就地取材」將戲服掉落地再捽污糟。陳展鵬續指被摑戲係一Take過完成,事前刻意要求唐詩詠出盡全力打。陳展鵬續指被摑戲係一Take過完成,事前刻意要求唐詩詠出盡全力打。
《超能使者》 逢周一至周五晚9點半翡翠台播映

 相關推薦