法證先鋒V丨丁子朗一年五劇爭男配 演閉陰沉天才男最有挑戰

今年初喺《萬千星輝頒獎典禮2021》上奪得「飛躍進步男藝員」嘅丁子朗,今年再下一城,佢先後參演咗《青春不要臉》、《金宵大廈 2》、《美麗戰場》、《下流上車族》同埋《法證先鋒 V》,當中更憑《美麗戰場》嘅渣男同《法證先鋒 V》嘅自閉陰沉天才男而提名最佳男配角。
丁子朗今次喺《法證 V》入面飾演自閉陰沉天才男。丁子朗今次喺《法證 V》入面飾演自閉陰沉天才男。
平時陽光開朗嘅丁丁,喺《法證 V》入面要突破自己飾演自閉陰沉天才男,不過最大嘅挑戰,莫過於係丁丁要克服恐懼接觸真實嘅松鼠標本。拍攝當日一場縫合松鼠標本戲,喺未正式拍攝前丁丁表現相當驚青,唔只唔敢直視標本,佢仲不停嗌好驚,但係一埋位後,丁丁即時啟動專業mode,對住松鼠標本認真演,事後丁丁直言要應付真嘅標本真係好可怕,仲要本身真係好驚,但要做到好鍾意咁,真係好大挑戰,丁丁笑言縫落去標本嗰下,要克服巨量恐懼。

丁丁為演好戀屍癖角色而克服恐懼。丁丁為演好戀屍癖角色而克服恐懼。

講到今次《法證 V》呢個自閉陰沉天才男角色,丁丁話個角色同自己真實性格真係好大差異:「個角色係一個好冷靜同寡言嘅人,同埋有戀屍癖,同我之前嘅角色好唔似,可以話係入行以嚟最喜歡角色之一。」而為咗演好呢個角色,丁丁話自己要好努力咁去搣甩某啲習慣,譬如講嘢要唔好望人咁。到於今年先後有五部劇集出街,丁丁就話覺得自己好幸運,因為五個角色都唔一樣,可以呈現到五種唔同嘅人畀觀眾睇。

陳曉華將會喺《法證V》內登場。陳曉華將會喺《法證V》內登場。今次陳曉華將會一人分飾兩角。今次陳曉華將會一人分飾兩角。仲有最近人氣急升嘅羅毓儀客串演出。仲有最近人氣急升嘅羅毓儀客串演出。楊玉梅、江芷銦同張國強亦將會喺新嘅單元大case登場。楊玉梅、江芷銦同張國強亦將會喺新嘅單元大case登場。

另外,《法證V》將會有兩個新嘅大case「紙盒藏屍案」同「水泥藏屍案」,除咗有好戲之人張國強及楊玉梅加持外,還有兩大後起小花陳曉華同羅毓儀客串演出。而之前喺《鐵探》憑一個眼神而彈出嘅15 歲演員江芷銦,亦會喺今次劇中有唔少發揮機會。

台慶劇《法證先鋒V》逢星期一至五 20:30 翡翠台

 相關推薦