院長洪嘉豪今年狀態大勇,早前更入圍電台頒獎禮嘅「我最喜愛男歌手」十強,呢日佢出席一個聖誕活動時,就話好多謝一直以嚟支持自己嘅院友,仲話係佢哋令自己可以渡過唔同關卡。講到最近完成嘅處男騷,嘉豪就話自己有騷後後遺症,仲會不斷翻睇演唱會片段,不過心情就比開騷前輕鬆咗唔少。喺演唱會上一度騷肌嘅嘉豪,話自己其實唔太鍾意除衫騷body,但講到同院友約定紅館見呢件事,佢就話如果2023年成功好的話,會試下入紙排隊,希望可以2024年兌現呢個承諾。