黃栢文機場赴泰奔喪 透露女兒不捨嫲嫲痛哭兩日

正在使用小窗口模式播放

黃栢文機場赴泰奔喪 透露女兒不捨嫲嫲痛哭兩日

加載中...

因為粵語片女星嘉玲,喺11月21號於睡夢中離世,死訊傳出後亦令嘉玲同資深藝人黃栢文嘅母子關係曝光,身為長子嘅黃栢文喺11月23號同囡囡現身機場啟程泰國奔喪。

黃栢文透露當地親友send咗啲相畀佢睇,話媽媽嘅喪禮儀式已經喺當地嘅廟內進行緊,所以佢同囡囡抵步之後會即刻趕去見媽媽最後一面,黃栢文又指囡囡好唔捨得嫲嫲喊咗兩日。講到嘉玲嘅後事安排,黃栢文話喺當地完成頌經儀式後,就會火化遺體,至於骨灰會安放喺泰國定帶返香港就未知道,都要視乎細佬細妹嘅安排。

同嘉玲嘅母子身份被揭後,外畀對黃栢文嘅身世就有唔揣測,呢日佢就主動表示唔想講太多媽媽嘅私隱,所以希望外界可以畀返啲空間佢哋,並表示自己絕對唔係想利用媽媽離世一事去為自己增加曝光率。至於講到嘉玲嘅心願,黃栢文話因為疫情關係已經有兩年幾冇見過媽媽,所以對方成日都話好想見香港嘅親人,但黃栢文就唔知呢個係咪媽媽最後嘅心願。

 相關推薦