黃栢文機場赴泰奔喪 透露女兒不捨嫲嫲痛哭兩日

黃栢文機場赴泰奔喪 透露女兒不捨嫲嫲痛哭兩日

因為粵語片女星嘉玲,喺11月21號於睡夢中離世,死訊傳出後亦令嘉玲同資深藝人黃栢文嘅母子關係曝光,身為長子嘅黃栢文喺11月23號同囡囡現身機場啟程泰國奔喪。

黃栢文透露當地親友send咗啲相畀佢睇,話媽媽嘅喪禮儀式已經喺當地嘅廟內進行緊,所以佢同囡囡抵步之後會即刻趕去見媽媽最後一面,黃栢文又指囡囡好唔捨得嫲嫲喊咗兩日。講到嘉玲嘅後事安排,黃栢文話喺當地完成頌經儀式後,就會火化遺體,至於骨灰會安放喺泰國定帶返香港就未知道,都要視乎細佬細妹嘅安排。

同嘉玲嘅母子身份被揭後,外畀對黃栢文嘅身世就有唔揣測,呢日佢就主動表示唔想講太多媽媽嘅私隱,所以希望外界可以畀返啲空間佢哋,並表示自己絕對唔係想利用媽媽離世一事去為自己增加曝光率。至於講到嘉玲嘅心願,黃栢文話因為疫情關係已經有兩年幾冇見過媽媽,所以對方成日都話好想見香港嘅親人,但黃栢文就唔知呢個係咪媽媽最後嘅心願。

趙世曾混血模特兒舊愛離世!育有混血孻仔趙式正

現年87歲富商趙世曾一生風流,雖然至今仍未結婚,但他曾與三名女友誕下一女兩子。趙世曾與美越混血模特兒前女友Terri Holladay曾有過一段情,兩人育有孻仔趙式正(Roman),不過,最近卻傳出Terri Holladay在去年12月27日逝世,終年55歲。

Terri Holladay的家人在今年二月初透過專頁,宣告Terri Holladay不幸離世消息,專頁上寫道:「家人謹向所有在這個困難時期表達愛意和支持的人表示感謝。她的家人和朋友將深深懷念她,家人將會為她舉行私人追思會活動。」其家人亦安排在以色列植樹來紀念Terri Holladay,並邀請她的好友秉承遺志,向專頁的the Christina Noble Children’s Foundation捐款。

趙世曾與Terri Holladay於1991年一次船河中邂逅, 翌年更舉行海陸空世紀訂婚儀式,出動遊艇和直升機,廣邀城中名人富豪出席見證!Terri Holladay於1995年為趙世曾誕下兒子趙式正,不久後與趙世曾分手。

Terri Holladay近年已甚少露面,上一次出席活動,已是​2019年1月,帶同兒子趙式正現身《同芯慈善晚宴暨香港創會就職典禮》。

圖片來源:網上圖片



 相關推薦

熱門搜尋