王菀之11.28推出《飛得去旅行》 預告2023赴美演出後心郁郁去東京

Ivana王菀之聲演機鐵仔,唱埋改編自《眼睛想旅行》嘅單曲《飛得去旅行》,將喺11月28號推出,歌詞充滿再次去旅行嘅興奮,一聽令人即刻想飛!Ivana坦言要過埋12月先去旅行,皆因手頭上仲有好多工作,試過想偷走幾日,但最終都係失敗,等完成音樂會先再諗。佢預告2023年頭要去美國工作同演出,之後希望走多轉東京,三年冇去旅行,Ivana已經諗好晒去邊。
Ivana三年冇飛去旅行,掛住日本、冰島,掛住好多地方。Ivana三年冇飛去旅行,掛住日本、冰島,掛住好多地方。
Ivana表示十分開心有機會聲演機鐵仔,讚機鐵仔好得意,有一對圓碌碌,隻眼又係得一點,感覺同自己好似樣,同時Ivana亦推出最新單曲《飛得去旅行》,歌詞搞鬼得意,單係聽歌已經令人個心都跟咗Ivana出發去旅行, Ivana好鐘意呢隻歌:「黎明Leon呢首《眼睛想旅行》咁經典,我好榮幸可以唱多個改篇版,希望能夠成為大家日後去旅行,每次執行李都會諗起嘅歌。」

Ivana坦言要過埋12月先去旅行,皆因手頭上仲有好多工作。Ivana坦言要過埋12月先去旅行,皆因手頭上仲有好多工作。Ivana亦錄製不同嘅車站廣播,嚟緊只要搭機場快綫,就會聽到一把又熟悉又親切嘅聲音 : 「以下係機場快綫嘅廣播,眼睛想旅行咗咁耐,終於飛得喇!我機鐵仔同我王菀之,陪你興奮出發,祝各位旅途愉快!」由Ivana同機鐵仔陪大家搭機場快綫興奮出發;Ivana三年冇飛去旅行,掛住日本、冰島,掛住好多地方,所以佢話錄音個陣唱到「嚟緊飛東京,食壽司天婦蝦,每日行街睇新衫,買到喼都爆埋」,個心已經喺東京,錄完音之後仲即刻獎勵自己去咗食炸蝦。

 相關推薦