劉心悠首置千萬村屋認入市屬緣份 陳明熹被細妹爬頭結婚冇壓力

正在使用小窗口模式播放

劉心悠首置千萬村屋認入市屬緣份 陳明熹被細妹爬頭結婚冇壓力

加載中...

劉心悠、陳明熹、林愷鈴同吳海昕呢日出席美容產品活動,日前有指劉心悠一炮過豪擲2,250萬買逾兩千呎嘅西貢連花園新屋,價錢較市價低一成,劉心悠自認對樓市走勢完全唔識,所以咁多年都唔敢買樓,今次首置買千萬村屋,皆因特別鍾情西貢郊外環境。

劉心悠坦言今次入市只係緣份,原來佢睇新聞見未來樓價走向偏低,所以佢先去睇樓,劉心悠覺得呢間屋嘅環境好合眼緣:「我唔係城市人,我需要空間,啲人問我會唔會大裝修,如果要整,應該係整廚房,要大冰箱、大櫃,擺好多碗筷。」

劉心悠努力洗脫地獄廚神之名,最近喜愛下廚,仲專登向法廚拜師學藝,學習尊重食物,又會分享親自煮嘅美食畀家人、鄰居及同事,希望聖誕晚餐煮到六道菜考驗一下自己嘅能力,呢個月開始計劃菜單及準備食材。

同場嘅陳明熹早前為明年出嫁嘅妹妹舉行旅行團,約埋一班姊妹團齊齊去玩,嚟緊佢就擔正演英語劇,佢好感觸有機會做主角,首次拍英語劇,佢認為最難係試鏡:「一開始我唔知係明珠台拍,我只係上網見到呢個試鏡,我自己email佢哋去海選,估唔到被選中,過程好漫長要兩個月,嗰個過程仲難過而家要拍嘅嘢,咁啱噚日試做特技,要打同吊威也。」

陳明熹被妹妹「爬頭」結婚,佢笑稱冇結婚壓力,因自由行業預咗規劃嘅時間線不一樣,唔太想私生活被框住,最重要係覺得啱,同埋開心舒服。

 相關推薦