法證先鋒V|袁偉豪滿意面癱刑警稱號 林景程望台慶兩提名有著落

台慶劇《法證先鋒V》嘅劇情越嚟越緊張,呢日一班演員就一去到商場為劇集宣傳喇,其中被拍檔Bosco同洪永城笑佢嘅角色木口木面係面癱刑警嘅 袁偉豪,呢日佢就解釋自己演繹角色冇乜表情嘅原因喇。

早前阿Ben喺社交平台評擊傳媒,之後又被外界認為佢小氣,最近《愛.回家之開心速遞》亦都將類近情況加入劇情當中,阿Ben就話見到得啖笑,仲話劇情非常緊貼日常,仲搞笑話會搵編劇傾吓喧話喎。而 蔡思貝 就話阿Ben可以乘機加入《愛.回家》扮演返自己呀。

而 王敏奕 呢位天不怕地不怕嘅女警,喺劇情中將會向心儀嘅Bosco展開瘋狂追求,呢日佢就話係編劇嘅悉心安排,仲話呢兩個性格南轅北轍嘅角色感情發展,可以教到大家愛同幸福要自己爭取呀。

呢日佢哋亦喺現場為1月初就會舉行嘅《萬千星輝頒獎典禮》拉票,而入行多年嘅 林景程 就同時入圍「最佳男配角」同「飛躍進步男藝員」,佢就話自己非常希望得獎喇。至於喺劇集重聚嘅 許俊豪 同 葉泓聲 呢日就講到拍攝時劇組相處非常融洽,而Bosco仲成為大家長咁同大家一齊討論,更加成日萬歲請大家食嘢,令大家更為合拍呀。

 相關推薦