3月正式結婚嘅韓國娛樂圈金童玉女 玄彬 同 孫藝珍 6月宣佈懷有身孕，而經紀公司27號就向外公佈，佢哋嘅BB已經出世，雖然比原定預產期12月提前降生，不過目前母子平安。
玄彬早前為新片接受訪問時，被問到對就快做爸爸嘅感覺，就話因為小朋友未出世，所以暫時難有特別感覺。至於一向被奉為女神級嘅媽媽孫藝珍，近日社交平台主要都係Post出唔同食物嘅相片，孕照一直未公開，似乎係擔心自己嘅女神形象呀。
雖然BB出世，不過玄彬明年1月就會出發往歐洲拉脫維亞拍攝新片，恐怕到時要同出世未夠兩個月嘅BB分開一段時間喇。
