中年好聲音丨李泇霖首奪得5盞燈感動爆喊 周吉佩獲鼓勵:對自己有信心

TVB推出全新綜藝歌唱真人騷《中年好聲音》噚晚(27日)起首播,逢周日晚九點半於翡翠台播映,並由車婉婉擔任主持,評審團則為Maria Cordero(肥媽)、張佳添、伍仲衡、林志美、周國豐。

評審團為周國豐(左起)、張佳添、肥媽、林志美、伍仲衡。評審團為周國豐(左起)、張佳添、肥媽、林志美、伍仲衡。
呢集進行第一回合比賽,100強參賽者以盲選形式作賽,五人評審團憑「好聲音」撳燈,揀選出50個晉級人選;得到4盞或5盞燈嘅選手可以直接晉級,50強扣除得到4、5盞燈嘅剩餘名額,要留待評審團喺獲得3盞燈嘅選手當中揀出,只得到2盞燈或以下嘅選手則被即時淘汰,節目同時宣佈最終奪得《中年好聲音》冠軍嘅參賽者,將獲安排主唱TVB劇集歌曲。
42歲李泇霖大晒靚聲獻唱《情人知己》,成為首位拎到5盞燈嘅選手。42歲李泇霖大晒靚聲獻唱《情人知己》,成為首位拎到5盞燈嘅選手。李泇霖激動爆喊,張佳添以樂壇天后Adele做例子鼓勵李泇霖。李泇霖激動爆喊,張佳添以樂壇天后Adele做例子鼓勵李泇霖。呢集雲集多位唱得之人,共有11位參賽者奪得4盞燈或以上直接晉級五十強,當中有3人獲得五盞燈滿分成績,分別為李泇霖、周吉佩及鮑聖光。42歲李泇霖獻唱《情人知己》,天生靚聲嘅李泇霖成為首位奪得5盞燈嘅選手,李泇霖激動爆喊:「我由細到大唔係攞F,而係攞U嘅人,我讀書唔叻、細個好肥,一直以嚟冇乜信心,好多謝《中年好聲音》畀機會我唱歌畀大家聽。」張佳添送上鼓勵:「你完全唔使為你身形感到自卑,你睇吓Adele,全世界最紅嘅歌手,佢當年仲肥過你!」周吉佩同樣奪得5盞燈。周吉佩同樣奪得5盞燈。周吉佩獻唱《如果沒有你》同樣獲得5盞燈佳績,佢喺15年前曾出道做歌手,惟喺籌備出第二張唱片時,公司因財政問題煞停計劃,令佢個歌手夢幻滅,周吉佩坦言做歌手呢條路好辛苦:「呢15年浮浮沉沉,發展得好唔順利,有人問過我會唔會去做主持,但嗰時細個梗係想音樂行先,我話要唱歌,同嗰邊監製講唔做主持。」肥媽以自身經歷鼓勵佢並大拋金句:「有啲嘢唔使咁執着,我唱唱吓歌人哋叫我煮飯添,要對自己有信心,無論做咩都好,只要一日唔離開呢個舞台,一日都有機會!」

64歲鮑聖光都係靚聲王之一,佢只係用咗25秒就獲得評審嘅5盞燈,認真犀利。64歲鮑聖光都係靚聲王之一,佢只係用咗25秒就獲得評審嘅5盞燈,認真犀利。
至於64歲鮑聖光係年紀最大嘅參賽者,身為靚聲王嘅鮑聖光深情獻唱《倩影》,一開口唱歌已震懾一班評審,齊齊露出驚訝表情,佢僅獻唱25秒便成功俘虜5位評審撳燈,成績斐然。伍仲衡大讚好有感染力:「唱到入我個心,呢首歌同你把聲有一個Magic!」林志美則說:「你唱第一、二句,我哋已經有嘩嘅感覺。」
評審團爭住讚鮑聖光,伍仲衡同林志美對鮑聖光有讚冇彈。評審團爭住讚鮑聖光,伍仲衡同林志美對鮑聖光有讚冇彈。
另外直接晉級50強嘅參賽者,包括譚依婷、龍婷、蔡穎秋、陳樂平、羅金榮、梁浩銓、曹敏寶及顏志恒,至於有「屯門娜娜」之稱嘅董幸兒表現麻麻,獻唱《風的季節》時掛住擺Pose搞到數度忘詞,張佳添聽到擰晒頭,肥媽更狠批:「你諗嘅嘢多咗,你點會記得歌詞,淨係掛住個Pose。」最終獲得0盞燈被即時淘汰。
譚依婷譚依婷龍婷龍婷陳樂平陳樂平羅金榮羅金榮梁浩銓梁浩銓曹敏寶曹敏寶蔡穎秋蔡穎秋顏志恒顏志恒董幸兒竟然忘記歌詞,最終「食蛋」被Foul。董幸兒竟然忘記歌詞,最終「食蛋」被Foul。
《中年好聲音》逢周日晚九點半翡翠台播映

 相關推薦