1998年推出嘅經典劇集《我和殭屍有個約會》，經過咁多年之後終於改編成電影版，創作原原著嘅 陳十三 請嚟 黃宗澤 吳千語 蔡潔 加埋 郭栢妍 蘇麗珊 等一齊演出，雖然重現經典可能會被觀眾用放大鏡審視，不過千語同Bosco就話故事同電視版本唔同，佢哋對大量嘅特技同動作場面反而更為擔心喎。

千語仲話一開工就已紅吊威吔喺商場飛，而Bosco要戴訂造隱形眼鏡演出，就有啲辛苦同困難喇。而蔡潔又再一次同Bosco合作，之但係就繼續因為平衡時空同佢有緣無份冇感情線喇，至於「芊芊」Rosita首次登上大銀幕，角色仲原來係一位60歲嘅姨姨，對情感嘅控制要特別小心呀。

謝雪心 亦都會同 岑珈其 合演一對神棍母子，心姐就話雖然當年冇份參與劇集版演出，仲話今次一齊合作得非常開心呀。

TVB熱播劇《一舞傾城》噚晚呢集講剛出獄嘅青龍（唐文龍飾）被安排睇機舖，志飛（楊明飾）睇唔過眼誓要查出屠伯（鄭恕峰飾）及麻鷹（李嘉飾） 嘅販毒證據。

唐文龍身材 Keep 得勁 Fit，大晒結實麒麟臂。青龍及志飛捉咗麻鷹回洪泰總部，屠伯為求自保對麻鷹執行家法。

幾經辛苦，志飛、青龍終於搵到麻鷹嘅毒品倉，並一把火燒光所有毒品，麻鷹發難叫手下圍攻佢哋，坐咗十多年監嘅青龍大晒真功夫一個打幾個之餘，更單挑打贏麻鷹。青龍及志飛捉咗麻鷹回洪泰總部，屠伯為求自保對麻鷹執行家法，麻鷹喺生死關頭爆出自己係屠伯親生仔，獲心軟嘅叔父及青龍「放生」。

麻鷹驚爆係屠伯嘅親生仔，青龍一時心軟放過佢。

現年53歲嘅唐文龍身材Keep得勁 Fit，以黑色緊身背心上陣，大晒結實麒麟臂，與「功夫狂人」李嘉近一分鐘嘅單挑戲亦拳拳到肉，演出吸睛。講到相關動作場口，唐文龍受訪時大嗌好玩：「阿嘉好大隻又強勁，雖然佢係練螳螂拳嘅，其實好多功夫都識，佢嘅前臂好強勁同埋啲骨都好硬，咁好彩我自己都有練詠春，所以同佢硬碰我都頂得住。」唐文龍透露兩人因服裝關係唔能夠攝Pad，所以只能硬橋硬馬對打，唐文龍坦言唔容易遇到真係練過功夫嘅演員，所以今次切磋到真係好開心，雖然拍嘅時候又熱又焗好辛苦，但係過程好難忘！

沙律家被人圍堵。

對打場口融入南北派功夫，唐文龍續指與李嘉自度咗一啲動作，為咗對打戲增添功夫味道，唐文龍表示唔想好似打爛仔交：「我哋設計到一派就比較北方嘅打法，另一派就比較南方功夫嘅動作，希望大家睇得出分別。」提到兩人決戰前有「畀禮」，唐文龍解釋：「有一 樣嘢武指泰哥（陳中泰）想我哋做到，就係以前 80、90 年代啲人打交，尤其係高手與高手之間，決鬥前都會『畀禮』，可能有人話會唔會好老套，但我哋想做 到嗰個時代嘅情懷。」 今晚（8 日）播出一集，屠伯派人追殺青龍、志飛等，沙律（陳法蓉飾）家被人圍堵，Monica喺危急關頭（蔡潔飾）奮不顧身為志飛擋刀，Michelle （姚子羚飾）情急下開槍解圍，臥底身份呼之欲出。

屠伯派人追殺青龍、志飛等。志飛一行人被圍攻，Monica 情急之下為愛郎擋刀。

《一舞傾城》逢周一至五晚 9 點半翡翠台播映