慧妍雅集永遠名譽會長朱玲玲與名譽法律顧問張惠慶律師、黃錦山律師及前慧妍雅集名譽顧問吳杏倫女士率領執行委員會副會長岑杏賢、公關理事朱千雪、司庫宋愛儀、前會長周麗明及關淑芬、會員朱凱婷、梁麗翹、李慕潔、林麗薇、朱希敏及張雪玲組成快問快答行動組，並到多個唔同地方拍攝，希望透過對話，讓社會人士了解更多慧妍雅集嘅運作。
朱千雪與岑杏賢帶出會員均為義工，凡事親力親為，梁麗翹與周麗明到高爾夫球場拍攝，展示慧妍雅集以唔同方式籌款，此外張雪玲透過扣上心型鎖，帶出慧妍雅集40周年主題「愛心成就美好」，是次由華懋集團捐出10萬元及借出中環街市作拍攝。
慧妍雅集不乏唱家班會員，今次更特別為節目重新錄製兩首歌曲，分別係「慧妍雅集」會歌及「Que Sera Sera」，今次新版會歌邀請執行委員會秘書邵珮詩及工作計劃統籌黃嘉雯、會員朱凱婷、戚黛黛、吳幸美、唐麗球等，以及新力軍會員宋宛穎、梁凱晴、邵初、楊培琳及王嘉慧等。
宋宛穎表示好榮幸好開心能夠與師姐重新為慧妍會歌錄音，每一句歌詞令佢好感動， 希望與慧妍雅集一齊為全香港將來將心獻。佢平時喜歡唱歌，不過冇參與過錄音，所以有此機會覺得好新鮮好好玩，期待下一個10年再有機會參與呢個愛心滿滿嘅節目，師姐級嘅唐麗球笑言唔係唱得好好，只參與大合唱嘅部份，不過能參與其中係好開心嘅事，今次加入咗幾位師妹合唱好有傳承感覺。
朱凱婷表示為慧妍錄會歌係好感動嘅事，因為上次錄音已經係十年前嘅事，今次係重新編曲，呢首歌係屬於「慧妍雅集」嘅主題曲，好高興自己有幸能成為主唱者之一；戚黛黛於2003 年參選港姐，已有十多年冇返TVB工作，所以今次感覺好特別，好有意義， 用佢哋歌聲出一分力，佢又提議會員可以組成女子合唱團。
