張艾嘉憑新作奪金馬影后香港上映勾華哥導演癮

娛樂新聞

2022-12-03 19:30

張艾嘉早前憑佢喺新片《燈火闌珊》嘅精湛演出，令佢第3度獲得金馬影后殊榮。而新片近日就喺香港舉行口碑場放映，大批圈中人都特別到場欣賞，其中任達華仲話作品勾起自己嘅導演癮，令佢心癢癢想再執導新作呀。

華哥話受到新片嘅場景啟發，希望拍製作一部富有香港情懷嘅新戲，仲話會以後巷作為題材，更加會邀請元華合作演出呀。新戲雖然未正式開拍，不過華哥就一樣有大把嘢忙，好似即將推出嘅著作仲有畫展咁，仲話會同婷婷玉立嘅囡囡有合作呀。

而麥秋成除咗有份參與呢部新片嘅舞蹈編排之外，仲係佢嘅首次電影演出，呢日佢同太太湯怡一齊欣賞喇，演戲經驗比較豐富嘅湯怡，仲爆老公一收到劇本就捉住自己對戲，而秋成亦會不時請教老婆應該點演出喇。

鑽石山兇案｜林作疑被保險公司解約抽水指有同款鞋拍賣惹眾怒

娛樂新聞

2023-06-04 13:04已更新：2023-06-04 13:08

近日喺鑽石山發生兇案之後，當日片段圖片瘋傳，社會對慘劇都高度關注，自稱為香港抽水王嘅林作隨即出Post指自己有嫌犯同款跑鞋出售，不過呢次唔少人就認為佢太過火。雖然之後佢已瞬即將相關Post刪除，但係又連日多次出Post指出自己呃Like抽水「沒有任何事情是不應該被用來開玩笑的」，引起網上一片討伐。

事後林作指「堅決不為我的言論道歉」，不過星期日中午，林作任職嘅保險公司，就罕有於允許於社交平台出Post，指有理財顧問就社會悲劇作出不當言論及行為，故已終止合約。

簡短聲明又指公司內有清晰社交媒體指引，故個人言論並不代表保險公司立場。而公司內部亦有消息指，涉及被終止合約者為林作。