歡樂滿東華|善款逾1.2億再破紀錄 阿驄志偉現場再鬥嘴

年度籌走節目《歡樂滿東華》圓滿舉行,今年善走數字再度破紀錄,一共籌得超過1.26億港元,用作醫療同教育等服務。當中 汪明荃 同 羅家英 夫婦合作演出粵劇折子戲,更成為籌得善款最多嘅單項表演呀。

台慶劇《下流上車族》播出時有口皆碑,呢日車總 林敏驄 就同芊芊 郭栢姸 等成員一齊合唱劇集主題曲籌款,至於早前收視口水戰中,承諾會「螺」跑就數嘅曾志偉,呢日同阿驄見面就繼續鬥嘴,你一言我一語真係笑到肚痛呀。

其他藝人同事為咗慈善一樣出心出力,好似有模擬搶包山嘅 蕭正楠 就受到少少傷喇,而「爆沙煲」一幕 譚坤倫 更加係帶傷堅持上陣完成,而 何廣沛 練習時仲面部中咗一腳架。  關嘉敏 同 何依婷 捕捉無人機一樣有驚險,好在最後冇事咋。

女子組一班靚女同事喺搶包山一樣笑料百出,好似 朱智賢 畏高死頂,仲嗌到拆晒天,而游嘉欣 仲誇張到喺包山面嚇到唔識郁冇晒反應呀。而「香港小姐再競選」嘅三甲 李芷晴 陳懿德 同 何沛珈 就性感上陣以冰水淋身籌善款,事後佢哋連訪問都繼續震到幾乎講唔到嘢呀。

至於喺跑步環節,回程時「高守」 林子善 竟然憑空唔見咗人,事後佢就解釋只係因為自己跑得慢,又擔心跟唔上直播節目流程,之後佢仲堅持冇鏡頭都一直完成跑完全程呀。至於未表演練滑板已經搞到周身瘀傷嘅幾位女士 邵珮詩 郭柏姸 葉靖儀 王子涵 同 何泳芍,喺節目當中表現非常唔錯,原來佢哋仲有部份花式係現學現賣,難怪佢哋事後咁興奮啦。 

曾比特 呢晚同 Jasmine任暟晴 同台合唱,不過佢哋就話對其他表演項目更加有興趣,Jasmine仲更加話挑戰吓搶包山咁話喎。

 相關推薦

東張+ | myTV SUPER 24小時即時新聞 本地、國際時事熱話
東張+ | myTV SUPER 24小時即時新聞 本地、國際時事熱話
東張+ | myTV SUPER 24小時即時新聞 本地、國際時事熱話
東張+ | myTV SUPER 24小時即時新聞 本地、國際時事熱話
東張+ | myTV SUPER 24小時即時新聞 本地、國際時事熱話
東張+ | myTV SUPER 24小時即時新聞 本地、國際時事熱話
東張+ | myTV SUPER 24小時即時新聞 本地、國際時事熱話
東張+ | myTV SUPER 24小時即時新聞 本地、國際時事熱話
東張+ | myTV SUPER 24小時即時新聞 本地、國際時事熱話
東張+ | myTV SUPER 24小時即時新聞 本地、國際時事熱話