陳煒與醫生陳國強今年9月註冊結婚，當時老公稱遲啲去度蜜月，希望享受陽光與海灘，婚後陳煒火速復工，繼續拍新劇及參與《黃金盛宴》晒廚藝，趁住隔離檢疫放寬，陳煒即抽時間同老公補度蜜月。
陳煒同老公前往泰國旅行，人妻陳煒更連日喺IG晒素顏性感相，見佢肌膚白滑緊緻，成個人容光煥發，流露甜蜜幸福嘅笑容，今次佢哋仲揀咗曼谷一間奢華酒店嘅套房入住，頂樓有無邊際泳池，飽覽曼谷都市美景。
陳煒更晒泡泡出浴照，少女心爆崩，滿頭泡泡，素顏嘅煒哥大晒緊致白皙肌膚，猶如少女，完美呈現好老公就係女人最佳護膚品。
陳煒於1996年參選亞洲小姐奪冠，簽約亞洲電視而入行，入行不久即成為亞視當紅花旦，陳煒於2012年轉投TVB，並結束第一段婚姻後，佢過咗近7年單身生活，陳煒專注喺演藝事業發展，直至2018年遇上醫生陳國強，陳煒曾分享陳國強雖然唔算好浪漫，但係份人好細心，二人在熱戀中相當甜蜜， 2021年陳煒48歲生日時，陳國強以99支玫瑰及3卡求婚鑽戒求婚，今年 9月26號正式註冊結婚，婚禮在半島酒店Grand suite舉行，邀請數十親友出席。