五堅情明年3月來港開演唱會 優先訂票15分鐘內全部售罄

由邱鋒澤、黃偉晉、陳零九、婁峻碩同賴晏駒組成嘅台灣人氣組合五堅情，上星期嚟香港舉行簽唱會，當時張入場劵被炒貴6倍，而簽唱會當日一眾堅果們更加係迫爆商場，可見五堅情魅力非凡！簽唱會當日五堅情宣布將於明年3月喺到香港舉行演唱會，一眾堅果聽到消息當然勁興奮。

演唱會喺今日進行優先訂票，所有門票喺15分鐘內已經全部售罄，見到香港堅果嘅熱烈支持，五堅情都十分感動，但同都叮囑一眾堅果路好買黃牛，要喺官方渠道購買門票，慎防買到假飛，五堅情話：「這次是我們在香港的首個演唱會，當然會為大家帶來驚喜，但要先賣關子，不過我們保證會馬力全開，做好準備，答謝大家的厚愛。」而《五堅情 Moon Landing 月面著陸香港演唱會》將會喺12月20號早上10時公開發售，未買到飛號堅果們記得較定鬧鐘搶飛喇！