紅館舞台事故發生逾130日，上星期傳媒報道阿Mo李啟言已轉往私家醫院繼續接受治療，而以聖經箴言為自己打氣鼓勵。而每星期李父李盛林牧師嘅代禱信中，亦會同時為阿Mo女友So Ching祈禱。
年輕前途無限突遭巨變，So Ching17號下晝就先後出Post，包括阿Mo練舞片段，同為自己打氣嘅四格漫畫，李家與So Ching肩上承受嘅痛苦壓力，如非有堅強意志的確薹以承受。
李父17號發放第21封代禱信，公佈阿Mo繼續有進展，李牧師指各項復康治療都產生正面效果，四肢已出現局部輕微的感覺。而阿Mo嘅體重亦比事故時增加10多磅。相對日日四出頻撲嘅李牧師就瘦足10多磅。
李牧師又指阿Mo頸部肌肉漸漸強化，慢慢能掌握吞嚥，未有明顯錯誤致產生肺炎。而曾因尿喉而引起嘅血尿發炎，近幾星期亦漸趨穩定，未有再發燒情況出現。
阿Mo亦繼續以人生金句自我鞭策，「To make my life beautiful in the future, we should fight hard 」，而李牧亦繼續同家人祈禱希望阿Mo可以持續有更佳康復反應。
