短劇《仁濟心》係翻拍五個真實個案，從而帶出「殘而不廢」嘅正面訊息。喺嚟緊平安夜24號播出號一集，更加係充滿暖暖嘅愛呀！
呢集蔣家旻飾演細個被母親遺棄嘅Phoebe，遇上文雪兒飾演嘅林 Auntie，細個在喺兒童之家寄居嘅Phoebe，因為性格反叛，所以好抗拒林 Auntie呢位「家長」，仲試過因為咁而帶埋其他兒童離「家」出走，結果喺闖禍後先明白到林氏夫婦嘅無私付出，從而立志成為社工服務弱勢，傳承呢份「超越血緣嘅愛」。
今次要挑戰「逆齡」飾演中學生嘅蔣家旻，着起校長亳無違和感，佢就話有參考返以前自己中學時期嘅造型，另外就無喺化妝方面落少少功夫，蔣家旻話：「我淨係搽咗粉底液，遮咗眼圈，另外我有紮返中學年代會梳嘅髮型，啲工作人員已經話我有返初中生嘅感覺，我都好多謝佢哋鼓勵咗我。」之前憑《美麗戰場》角色「反骨琪」深入民心，同《仁濟心》 Phoebe嘅角色各走極端，蔣家旻就笑言有種從良嘅感覺呀。
中學就係曾就讀仁濟醫院林百欣中學，所以蔣家旻話今次拍攝《仁濟心》令佢有份使命感，至於問到第為獨生女嘅佢，係咪同個角色一樣咁反叛？佢就話因為細細個已經好知自己鍾意同唔鍾意啲咩，所以唔想做或無興趣嘅嘢，點都迫唔到佢，蔣家旻仲話細個會同屋企人唱反調，所以家會會認為佢係反叛唔聽話。
而劇中嘅角色原型林太，喺兒童之家服務多年，前後共照顧超過 60 個小朋友，而早前林太已經正式退休。林太又分享喺兒童之家做「家長」嘅經驗，佢話最Basic 要湊八個小朋友，而且每個都係嚟自唔同家庭背景，所以唔可以好似對自己小朋友咁，而因應情況去Tune嘅。
《仁濟心》逢星期六 22:45 翡翠台
