距離台慶頒獎禮唔夠20日，一眾入圍頒獎禮各個獎項嘅十強候選人都四出為自己拉票。呢日入圍飛躍進步男、女藝員嘅 炎明熹 、JW至灝兒 、 陳嘉慧 、陳曉華 、 鄭洐峰、 關曜儁、林子超、黃建檔、孔德賢同吳偉豪記現身記招拉票。
雖然大家都出盡力為自己拉票，但Gigi就話因為怕尷尬而唔敢向身邊嘅親友同fans拉票，佢仲話無論入唔入到圍都已經好開心，因為大家都睇到佢嘅進步。講到早前客串《愛・回家之開心速遞》，Gigi就話係個唔錯嘅體驗同學習嘅機會呀。
除咗努力工作，Gigi亦好熱心參加學校活動，最近佢就參加咗學校嘅歌唱比賽，不過Gigi話其實報名前自己都掙扎咗一陣，但諗到可以為自己中學生涯留返估美好嘅回憶，佢就覺得一切都值得呀。
JW、陳曉華同陳嘉慧都話有積極叫身邊朋友投票撐自己，問到會唔會有啲咩福利派發？陳嘉慧就話視乎啲朋友有冇投訴同想要咩福利，而陳曉華就話只要朋友有投佢票，福利方面就可以冇咩底線，搞到旁邊嘅JW即刻話好有壓力呀！至於男藝員方面，孔德賢就話拎到會着三角褲、關曜儁會去18區教做運動、子超同東東就話自己冇底線，而 鄭洐峰就豪言佢拎到飛躍男就會咩都唔着呀！
