日本殿堂級長壽樂隊安全地帶明年將成立50周年，可惜今日傳出成員 田中裕二上周離世，喪禮已經低調完成。
隊中嘅結他手 矢萩渉 喺社交平台公佈，隊友兼相識60年嘅摯友 田中裕二 たなか ゆうじ 17號喺家人陪伴下離世，終年65歲。
安全地帶喺官方網站宣佈呢個沉重消息，而被成員 玉置浩二 視為兄長嘅田中裕二，2019年曾因為腦出血，而推辭咗當時樂隊喺甲子園舉辦嘅「最終場」演出，而樂隊亦同時確認將會出演年度盛事紅白大賞，相信到時成員會以特別方式紀念相識逾半世紀嘅好友。
安全地帶1973年喺北海道組成，80年代風靡全日本，佢哋嘅大量作品更曾被改編成港台流行曲，令佢哋同作品都喺華語世界廣為流傳。
(網上圖片)