2023免年賀歲電影《毒舌大狀》，由黃子華、謝君豪、王丹妮及廖子妤等主演，將於賀歲檔年三十（2023年1月21日）上映，噚日電影公司發佈新預告，披露更多金句。
黃子華喺戲中飾演林涼水大律師，接到曾潔兒誤殺愛女嘅案件，王丹妮透露案發當晚男友鍾京頤醫生在場，面對鍾家係香港大世家，而王丹妮飾演曾潔兒係鍾京頤嘅情婦，要坐17年冤獄。
黃子華由正義凜然咁講「我唔會瀨契弟(擦富豪屁股)」，聲稱拼命打呢場官司，卻遭到權貴威脅，黃子華激發潛力金句頗多，「今日呢一度，Everything is Wrong」、「十個人有九個都帶住後悔入棺材，我唔想係其中一個」及「唔通成世畀人撳住嚟打」，情節緊湊更引人入勝。
