《獎門人》呢日有 王灝兒 同 陳瀅 同好朋友 何超蓮 仲有《聲夢2》幾位成員一齊組隊現身玩遊戲，平時藝人參與大家都搏到盡，而呢次自薦一齊玩嘅Laurinda亦都完全唔輸蝕，要飛身坐爆氣球一樣冇問題呀。

雖然早前傳出佢同內地男星竇驍情變，不過呢日見Laurinda就似乎心情非常好，仲話會留港宜至過完年同媽咪生日後先返內地，而一提到感情狀況，雖然佢口話唔回應，不過都依然吐出一句：「穩定嘅」，直接將傳聞粉碎喇。

而同樣首次參與，同 陳嘉慧 彭慧中 仲有 陳聖瑜 組隊嘅 余思霆 一樣玩得非常投入，佢仲話一早已經有晒心理準備，仲話非常期待參與唔同遊戲呀，幾位靚女仲話就算玩變成花面貓都一樣冇有怕呀。

《聲夢2》幾位生力軍 候雋熙 黃洛妍 陳昊廷 仲有文佐匡 就話心情比較緊張，仲話既期待但係又怕傷害，不過一樣會盡全力參與咁話呀。

最近天氣悶熱，最啱就係玩水消消暑！TVB遊戲節目《濠玩夏水禮》，由 Bob林盛斌 同 金剛 帶領一班藝人，去到澳門體驗最新嘅水上設施，進行濕身大比拼！嚟緊 11 號播出號一集，繼續有「喪玩隊」嘅Bob、何浩文、蘇韻姿、關楓馨同陳婉衡，決戰「好玩隊」嘅金剛、周志康、余思霆、林秀怡同邵初。
繼續有「喪玩隊」嘅Bob、何浩文、蘇韻姿、關楓馨同陳婉衡，決戰「好玩隊」嘅金剛、周志康、余思霆、林秀怡同邵初。
節目入面第一個玩嘅Game「有嘢齊齊答」，要求眾人排排坐答問題，每人輪流答一個字的答案，只要其中一位答錯就要接受淋水懲罰。嚟自台灣嘅霆霆同外地回流嘅蘇韻姿就變成豬隊友，當被問到電影《鐵娘子-戴卓爾夫人傳》女主角係邊個？霆霆竟然連問題都未聽完就自我放棄，仲話：「鐵娘子我都唔知係乜嘢！」至於蘇韻姿被問到球星 C 朗踢過邊間西班牙球會？佢同樣自動波裝水兜頭淋，仲話：「我係垃圾！」

之後嚟到「兄弟姊妹站起來」同樣搞笑，玩法係各隊員協力企喺浮床上，最快全員企晒喺浮床上嘅一隊就算贏。「喪玩隊」嘅隊員表現得相當遴迍，多番嘗試都未能全員企起身，搞到隊長Bob 嬲到投訴製作組，點知瞬即被「好玩隊」打臉，佢哋嘗試咗一次就已經全員企咗喺浮床上，令名Bob滿頭黑線。
站起失敗。阿Bob瞬即被打臉。
最後一個Game「我要爭上位」就相當緊張刺激，呢個Game係爭櫈仔嘅變奏版，要大家水上爭水泡，兩隊人爭嚟爭去十分刺激，當中何浩文為咗贏，竟然出手撻林秀怡落水！
何浩文落手過程！
除咗玩game外，佢哋當然要去埋場地另一邊畀客人放鬆嘅設定度Chill下！霆霆同陳婉衡就一齊去到「天際星空池」朝聖，除咗可以享用按摩池外，呢度最大特色就係室外部份嘅地板係透明玻璃底，可以喺高處飽覽澳門景色，佢哋兩個喺水中游嚟游去似足太空漫步咁。陳婉衡問到影相有咩貼士？霆霆就笑住話：「身邊人好重要，搵朋友要搵唔同面靚嘅人，好似我左邊你右邊，咁就唔會爭位啦！」至於蘇韻姿就同林秀怡坐摩天輪食 Tea，啱晒愛打卡嘅女士。

《濠玩夏水禮》逢星期日晚 21:00 翡翠台
佢哋好識嘆！一睇就知佢哋有幾Chill啦！