輕.功|朱仔首演父親與3月大嬰兒合作

喺《輕.功》被絕世港女Chloe一個唔該飛起仲嫁埋人嘅 朱敏瀚 ,劇情近日又有新發展,Chloe突然再次現身,仲暗示朱仔先係BB嘅親生爸爸,令到拍劇10年嘅朱仔,今次再有新挑戰,要首次扮演爸爸,仲要同小BB對戲呀。

呢次朱仔就話感覺非常特別,仲令自己對未來自己真係做爸爸有咗更大幻想。除咗多咗個仔, 朱晨麗 亦成為佢身邊另一個重要嘅異性,仲同朱仔一齊照顧BB呀。

輕.功|演員老人中心聖誕宣傳 朱朱Joman約齊老友共聚

劇集《輕.功》嘅一班演員,呢日一齊去到一間老人中心,同一班老友記一齊慶祝聖誕。其中 朱晨麗 同 蔣祖曼 呢對劇內劇外都係好朋友嘅姊妹,就分享今年嘅佳節會點樣度過。雖然Mornng嘅屋企人唔喺香港,不過佢就話已經約好朋友開Party交換禮物喇。而Joman就話今年社交措施放寬,同朋友嘅聚會已經日日排滿到年底喇。

Morning朱最近參演由張家輝自編自導自演嘅新戲,搞到Joman非常羨慕,仲話要去現場探班,朱朱仲話今次同家輝有唔少對手戲呀。

今年係 鄭俊弘 成為Daddy之後嘅第一個聖誕節,阿Fred話日日睇住BB長大感覺非常奇妙,仲話希望再追一胎湊夠好字咁話呀。雖然BB只得半歲大,不過阿Fred已經開始向佢灌輸音樂,仲買埋玩具鋼琴比小朋友玩呀。

講起小朋友,身為媽咪嘅 楊卓娜 就分享咗唔少家長都要面對嘅反叛期問題,仲話囡囡曾經令自己非常頭痛,激到自己不得了呀。

 相關推薦