早前被時代雜誌封為去年年度標誌性人物嘅 楊紫瓊 繼續以《奇異女俠玩救宇宙》嘅突破演出獲得榮譽，佢喺9號頒發嘅美國國家影評人協會頒獎禮，以大熱姿態成為首位得獎嘅亞裔影后。

楊紫瓊成為頒獎禮首位亞裔最佳女主角

而哥連費路憑喺喜劇《伊尼舍林的女妖》嘅演出成為影帝；湯告魯斯主演嘅《壯志凌雲：獨行俠》成為最佳電影，而榮獲最佳導演嘅則係以自身經歷拍攝《法貝曼：造夢大師》嘅史提芬史匹堡。

影帝哥連費路大讚史匹堡嘅電影影響無數人

史提芬史匹堡榮獲最佳導演，獲無數得獎者致敬

楊紫瓊與歌連費路稱帝封后

(Instagram圖片)

資深藝人溫裕紅(Esther)於5月19日安詳離世，終年54歲。溫裕紅早年主持婦女節目《都市閒情》，同時亦有參與劇集演出，曾效力無綫23年，早前播出嘅《食腦喪B》為佢嘅告別作。

溫裕紅喪禮於下月中設靈，翌日舉行安息禮拜，上午11時隨即出殯，靈柩奉移火葬場火化。

溫裕紅於2005年不幸確診患上乳癌，當時已經擴散到淋巴，不過一直積極樂觀抗癌，接受化療時要剃頭同包頭巾，後來醫生建議佢做手術將乳房切除，幸病情終於能夠控制。鄧萃雯其後為佢介紹整形醫生接受重整乳房，朋友林淑敏2010年患上乳癌，溫裕紅以過來人身份全程陪伴她度過艱難的日子，二人成為好姊妹。溫裕紅曾於2020年受訪時透露，自己身體情況好好，唔需要再服藥，只需每年做定期身體檢查。

不過與佢相熟嘅 韓馬利 就指，知悉Esther近年癌症有復發情況，但係佢依然不時同朋友見面，而近月情況亦轉趨嚴重，佢指目前喪禮後事由教會同胞姐協助處理。

自從溫裕紅離巢後，生活過得非常低調，閒時會相約朋友行山。林建明於2022年曾與溫裕紅飯聚，見溫裕紅戴上頭巾且身形消瘦。

溫裕紅早於中學年代一直玩話劇，畢業後報讀演藝學院，後來面試成功被TVB取錄成為無綫藝員。溫裕紅在TVB多年拍近百部電視劇，如《巴不得媽媽...》飾演男性化「魯玉芬」、《仁心解碼II》飾演黎繼鵬太太、《降魔的2.0》飾演「啤啤」媽媽，《BB來了》演李佳芯女強人上司Bianca，角色令人印象深刻，得到觀眾讚賞。