有冇諗過將電影、電視劇甚至動漫入面嘅菜式實體化？J2嘅節目《還原神之食》就有得睇喇！名廚祈積奇(Jacques)同三位 J2ers Honey何泳芍、Karen 胡敏芝 同埋 陳欣茵，喺節目入面挑戰「神還原」各樣經典名菜，而12同13號晚播出嘅兩集，佢哋就分別挑戰製作無綫劇集《食為奴》入面嘅經典名菜「鹹魚包」，同埋神還原熱爆 RPG遊戲《Persona 5》入面嘅經典美食「盧布朗咖哩」！
其實網上都有好多人曾經挑戰實體化呢味「盧布朗咖哩」，不過大多都係失敗告終，令到同樣係呢個game迷嘅Jacques都躍躍欲試。既然環製作遊戲世界入面嘅食物，當然要有返遊戲世界嘅感覺啦！所以欣茵就Cos成遊戲入面嘅經典女神角色，而Jacques除咗負責製作呢道「盧布朗咖哩」外，仲同教授大家不同嘅冷知識，好似種香料嘅特性、丁香同肉桂喺300幾年前，曾經比黃金更值錢，Jacques仲話以前歐洲要統治印度同亞洲，都係為咗呢兩種香料呀！講咁耐當然實體化呢味「盧布朗咖哩」先係重點啦！Jacques就話其實做法非常簡單，只係食材方面比較多，搜集上嚟比較花時間，當中要加入咖啡、蘋果同喼汁，不過Jacques最後係咪挑戰成功？咁大家就要留意喇。
而12號播出一集以「鹹魚包」作題。為隆重其事，三位主持除咗拜會「流浮山鹹魚專家」全哥，睇佢啦製鹹魚、學揀靚鹹魚外，呢集仲請嚟《食為奴》大廚顧問尹達剛大師，親自出馬神還原劇中呢味「鹹魚包」！至於每集都會技癢號 Jacques，就會炮製以意大利鹹魚「鯷魚」炮製嘅西式鹹魚酥，唔只賣相吸引，食落仲相當爽脆。睇完相同文字，大家係咪都好想知以上食物係點做呢？咁就記得留意《還原神之食》喇！
《還原神之食》逢星期一至五 20:30 J2 82台 播映
