樂隊ONE PROMISE今日突然喺社交平台發文表示正式解散，佢哋post出上年音樂會時影嘅一張黑白相，留言表示：「好遺憾同大家宣佈ONE PROMISE正式解散，因各人理念不同， 我哋冇辦法行落去，多謝大家一直對我哋嘅支持同埋陪伴。」
由文廸、Anton、天衡同Sora組成嘅樂隊ONE PROMISE，曾經因為鼓手Anton骨枯問題而宣布休團一年，去年佢哋先再重新出發，而Anton亦由鼓手的崗位轉成隊中嘅Rapper。復團後ONE PEOMISE積極做音樂，除咗喺唔同嘅商場搞巡唱外，仲喺11月終於推出首張專輯《Semicolon;》，同月更加舉行首個屬於佢哋嘅音樂會。
由於去年成績唔錯，所以ONE PROMISE曾經同樂迷表示2023年將會冇個「OUR FIRST Live」，而本身2月佢哋亦原定會為逸夫書院校慶擔任表演嘉賓，所以對ONE PROMISE突然傳出解散消息，令樂迷非常震驚，但由於ONE PROMISE閂咗最新個post嘅留言功能，令未能喺該post留言嘅壹步兵，都紛紛去到其他post度留言問解散原因。
