TVB歌唱真人騷《中年好聲音》於1月15號播出呢集將上映團戰，26強選手分成6組，演繹指定歌曲《今宵多珍重》、《年少無知》、《燕尾蝶》、《心急人上》、《女神》及《領悟》2爭取晉級20強，經過密集式訓練，出戰前各組相當有信心。

林鉫徫同陳早怡稱今次唱《女神》策略係打感情牌，用聲音感動大家，而區俊傑指《年少無知》係一首激勵嘅歌，佢哋希望透過四位團員嘅合作感染到觀眾；吳大強與團員馮志豪、龍婷、應德榮及李佳唱《今宵多珍重》，佢哋策略係一條心唱好呢首歌，盡力爭取好成績。

李思林因上星期確診遲入組練習，佢哋組挑戰唱《領悟》，李思林感謝團員不離不棄，希望大家齊心協力唱好首歌，涂家堯指經過幾次綵排，佢同其他團員都好滿意出嚟嘅效果；丁文俊、曹敏寶、顏志恒、魏嘉信及周吉佩稱佢哋練習唱《燕尾蝶》，整個過程好融洽。

梁浩銓、支嚳儀、李泇霖及何博文以一身粉紅戰衣唱《心急人上》，佢哋研究呢首歌嘅時候有加入舞步走位，亦有少許戲劇元素，《心急人上》呢組挑戰跳唱，原來綵排時被幕後批評呢個表演未合格，搞到梁浩銓臨時搵老友幫手編舞，支嚳儀亦感謝好友JW給予意見。此外，林二汶作為呢輪團戰嘅導師，指導參加者調整表演，林二汶覺得有兩隊特別做到入型入格、唱出首歌嘅味道，睇好《年少無知》組同《今宵多珍重》組，而其他隊伍嘅表演亦比較有趣！

吳大強 顏志恒 曹敏寶 梁浩銓 魏嘉信 等一班《中年好聲音》成員，呢日齊齊參加一個新片首映禮，雖然比賽已經結束，不過佢哋就不時有唔同聚會，最近仲籌辦一個籃球賽，仲話呢個比賽屬於世界性咁話。阿寶仲爆Bill哥哥乒乓球技一流，稍後會安排唔同比賽呀。

身為首屆《中年好聲音》成員，佢哋對新一屆比賽亦都非常留意，Bill哥哥就認為 古淖文 表現非常唔錯，讚佢有台型之餘唱歌又好，而梁浩銓就睇好同性三分親嘅梁浩賢，原來佢哋仲早已經認識，至於阿寶就偏好黃劍文喇。

Benson同魏嘉信更加去到錄影現場觀摩佢哋嘅比賽，仲成為大家請教嘅對象，仲叫大家最重要係做自己，記住要開心咁去參與咁話。