公益金百萬行｜港姐藝員共襄善舉為善同行

2022/2023年度港島、九龍區百萬行開步禮今晨舉行，TVB亦安排咗多位藝員同應屆香港小姐參與，為行善出一分力。隊伍代表起步前同主禮嘉賓行政長官李家超、公益金會長李林麗嬋同百萬行主席團合照留念。

TVB由總經理(商務營運)蕭世和、助理總經理(藝員管理及發展) 樂易玲同企業傳訊部總監黃德慧，率領一班藝員同事隊伍，上下一心一齊參與開步禮，而出席嘅藝員同事陣容鼎盛，好似應屆香港小姐邢慧敏同徐麟；薛家燕、麥美恩、江嘉敏、鄺潔楹、馬海倫、姚瑩瑩、蔡菀庭、王菲、李君妍、郭 千瑜、史穎喬、吳綺珊、梁珈詠、羅雪妍、安德尊、周嘉洛、曹永廉、黃子恆、馬貫東、衛志豪、林景程、黃耀煌、吳子冲、譚永浩同葉衍佑。

一眾藝員同香港小姐喺香港大球場起步，身體力行、共襄善舉，齊齊踏上公益路，履行企業社會責任。