何超蓮《獎門人》獲好姊妹JW陳瀅助陣陳昊廷冧莊被掟cream

娛樂新聞

2023-01-17 15:30

農曆新年將至，TVB播出賀年特別版《獎門人新春感謝祭》，何超蓮、陳瀅及JW王灝兒等一班美女玩遊戲好投入，完全進入忘我境界，搞到現場男士頓時變成怕醜仔。

超蓮終於得償所願喺兩位好姊妹陪同下作客《獎門人》，JW大爆老友勁想上嚟玩，超蓮稱好在趕得切，自細就好鍾意睇，佢玩完遊戲認為比想像中難，以前喺電視睇就覺得好簡單，超蓮笑指呢日同陳瀅最叻冇中cream，JW無奈稱佢哋避得幾好，陳瀅指真係冇輸過。

超蓮又指「彈遮遮」環節遮水係幾暖，所以佢同陳瀅笑指情願繼續被淋，而陳昊廷想學黃宗澤，竟然冧莊被掟cream！

鑽石山兇案｜林作疑被保險公司解約抽水指有同款鞋拍賣惹眾怒

娛樂新聞

2023-06-04 13:04已更新：2023-06-04 13:08

近日喺鑽石山發生兇案之後，當日片段圖片瘋傳，社會對慘劇都高度關注，自稱為香港抽水王嘅林作隨即出Post指自己有嫌犯同款跑鞋出售，不過呢次唔少人就認為佢太過火。雖然之後佢已瞬即將相關Post刪除，但係又連日多次出Post指出自己呃Like抽水「沒有任何事情是不應該被用來開玩笑的」，引起網上一片討伐。

事後林作指「堅決不為我的言論道歉」，不過星期日中午，林作任職嘅保險公司，就罕有於允許於社交平台出Post，指有理財顧問就社會悲劇作出不當言論及行為，故已終止合約。

簡短聲明又指公司內有清晰社交媒體指引，故個人言論並不代表保險公司立場。而公司內部亦有消息指，涉及被終止合約者為林作。