張致恆（Steven）與老婆區燕雯（雯雯）於2019年奉子成婚，婚後育有3名兒子，Steven婚後一直負面新聞不絕，更不時鬧離婚，老婆雯雯經常一打三湊仔，曾被指猶如經歷「喪偶式婚姻」，雯雯近排多次疑發表離婚宣言，揚言已到極限，呻因性格問題行唔到落去，後嚟見佢哋一家人出遊。
今日又再傳出雯雯與張致恒疑正式分開，雯雯學做單親媽媽！原來雯雯噚晚於IG動態，貼出對三個囝囝許下嘅承諾，「努力給你們生活，盡我能力做比一個母親更多的給你們，我不能給你們完整家庭，但至少我們試過，總算有呢個回憶存在」，要學習照顧好小朋友，令小朋友成長唔會再多一個遺憾，疑似暗示家庭已不再完整。
老婆雯雯於1月16日再次更新IG動態，疑正式發表離婚宣言，更清空IG所有張致恒嘅帖文，噚晚獨力照顧囝囝喺公園食外賣；雯雯早前怒轟張致恆未盡父親責任，「完全唔理解你生存為乜」，當被問有冇後悔同張致恆結婚，佢稱唔後悔，因為佢哋當初係認真先會結婚。