香港電影評論學會日前頒發年度獎項， 鄭秀文 以《流水落花》嘅精湛演出獲得最佳女演員硃榮，呢日佢同片中其他演員一齊現身優先場，就同大家分享自己得獎嘅心情喇。Sammi話知道結果之後難以相信，又指最大感動係自己多年嚟演出經過唔同嘗試，終於被肯定同發現。
Sammi又話今次同2001年憑《鍾無艷》獲相同獎項時嘅感受有好大唔同，心境同演戲嘅心態都一樣大有分別。至於往後嘅其他頒獎禮，Sammi就斬釘截鐵指冇信心衝擊，仲話已經習慣陪跑心情，但係新片成為年度推薦電影亦都非常高興。
Sammi以零片酬接拍新片，期望可以幫助本地電影發展，佢仲話同新晉導演賈勝楓嘅合作亦有非常唔同嘅體驗，互相商量之下亦令作品更為豐富。
