台灣一部為大家帶嚟大量笑聲嘅劇集，早前以原班人馬改編成為電影版，呢日一眾演員一齊現身宣傳呢部新春賀歲片，其中令大家笑聲不斷嘅 鍾欣凌 就繼續同 炎亞綸 喺片中會繼續搞出唔少笑話喇。

雖然本身己見係拍檔，不過鍾欣凌就算唔使開工都一樣去現場探班，但係錯過咗炎亞綸嘅一場養眼場面就令佢覺得非常可惜喇。片中各個角色都想尋找自己失去嘅事物，不過王少偉就因為想搵童真，令到大家以為係同音異字「童貞」而又鬧出另一笑話，搞到佢要即刻澄清呀。

佢哋呢日就即場承諾，如果票房可以突夏5千萬台幣，就會一齊扮十八銅人，但係身材最好嘅勇兔就再勇字當頭，話如果破億就直接以蔡依林早前演唱會嘅超性感打扮現身，仲即刻拉埋其他女演員落水呀。

炎亞綸年前創立個人工作室自己管理同經營事業，呢日仲以CEO身份現身，宣佈同 李玉璽 蔡黃汝 簽定經理人合約，仲由「新人教父」李亞明手上「搶走」既係佢藝人又係佢親生寶貝仔嘅李玉璽，李亞明呢日現身記者會時，仲話呢次感覺非常奇妙，講笑話好似嫁女咁樣呀。

不過一向只為自己努力嘅Aaron，而家成為老闆之後就要更加忙喇。至於豆花妹就話會繼續主持同戲劇上嘅發展，仲搞笑話要組成組合咁話喎。

因為代言多籮籮被指交稅金額高達千萬台幣嘅炎亞綸，呢日又提到自己唔夠膽同其他大哥級數嘅藝人比較，仲話交嘅稅同自己心中數字估計都唔差太遠，仲叫現場傳媒朋友可以向會計同事查詢喎。