甄子丹赴韓宣傳新戲上《RM》打木人樁 宋智孝興奮合照

由甄子丹親自監製嘅《天龍八部之喬峰傳》全球陸續上映，甄子丹前往韓國做宣傳，一落機即有fans迎接，當年《葉問4》於韓國上映時，票房係至今華語電影第一，所以呢次韓國宣傳之旅備受矚目。

韓國fans在cafe等甄子丹合照。

當中唔少觀眾及傳媒睇優先場後，大讚戲中動作場面打得勁過《葉問》，更驚喜係當地有唔少女觀眾入場，原來甄子丹有不少女fans， 難得來到韓國，甄子丹亦有跟韓國演員池承炫、申承煥、朴星雄等合照，整個旅程其中一日係粉絲見面會，當日咁啱係甄子丹女兒生日，現場有可愛fans連佢個囡囡生日都講得出，足證fans對甄子丹嘅喜愛係愛屋及烏。

(左至右)池承炫、申承煥、朴星雄

今次甄子丹去韓國應邀拍攝綜藝節目《Running Man》，節目中其中一個環節係打木人樁，甄子丹表演完後，連一眾主持人都「O嘴」，當中《Running Man》宋智孝係甄子丹嘅fans之一，拍攝完畢後亦忍唔住與偶像拍照留念， 《天龍八部之喬峰傳》繼於新加坡、馬來西亞等地開畫後，亦於香港噚日正式上映，陸續於全球各地上映。

今次甄子丹去韓國應邀拍攝綜藝節目《Running Man》。

甄子丹前往韓國做宣傳新片，傳媒場後接受訪問。