新四十二章|陳豪鄭子誠尋寶 龔嘉欣演「豬肉西施」斬到手指痛

由陳維冠監製、鄭成武編審嘅《新四十二章》將接棒TVB賀歲喜劇《黃金萬両》、由1月30號起逢周一至五晚八點半翡翠台播映,主要演員有陳豪、龔嘉欣、鄭子誠、江嘉敏、周嘉洛、鄺潔楹、譚凱琪、糖妹(黃山怡)、林景程及易宇航等。
鄭子誠飾演「數理天才」邵一算鄭子誠飾演「數理天才」邵一算
龔嘉欣飾演天生擁有神力嘅「豬肉西施」龔嘉欣飾演天生擁有神力嘅「豬肉西施」

圍繞「尋寶」及「維度」作主題,《新四十二章》劇情多元,除咗有監製陳維冠擅長嘅天馬行空元素,更加插唔少輕鬆惹笑及節奏緊湊嘅打鬥場面,加上不時穿插科學理論、中國文學,以及催眠治療等充滿學術細節,務求帶畀觀眾前所未有嘅新鮮感。
Katy喺劇入面,同林景程及易宇航係沒有血緣關係嘅三兄妹,但三人感情卻非常之好Katy喺劇入面,同林景程及易宇航係沒有血緣關係嘅三兄妹,但三人感情卻非常之好

《新四十二章》劇情主要圍繞中文系大學教授章經(陳豪飾)、「豬肉西施」朱螢嬌(龔嘉欣飾)及「數理天才」邵一算(鄭子誠飾)三人發展,來自唔同範疇、睇落各不相干嘅三人,不單止背後有著千絲萬縷嘅關係,各人有唔同程度嘅「維度覺醒」,簡單嚟講即係除咗喺現實世界中,三人於另一個維度(世界)均擁有截然不同嘅身份,相關身份更影響各人於現實世界中嘅關係……整個尋寶過程亦係圍繞住以上三個角色發展。
林景程喺劇入面,無論髮型同摔跤手造型都好搶林景程喺劇入面,無論髮型同摔跤手造型都好搶
陳豪及鄭子誠喺劇中與龔嘉欣有唔少對手戲,林景程及外籍演員易宇航,則分別飾演螢嬌嘅大佬「朱古力」及二佬「朱若望」。劇中朱氏三兄妹感情要好,雖然偶爾撈亂骨頭,但當其中一人有難時,其餘兩人均義不容辭出手相助,原來佢哋三人冇血緣關係,憑飾演擁有無敵口才地產佬逐漸備受關注嘅林景程,是次將再挑戰演技飾演豬肉佬兼摔跤手,當中摔跤手造型及爆炸頭更非常搶焦。
陳豪飾演中文系大學教授章經陳豪飾演中文系大學教授章經

講到與龔嘉欣拍劇甚有默契,林景程笑言與龔嘉欣十分熟,並感激對方一直好照顧自己:「我哋合作過《殺手》同《香港愛情故事》,佢不嬲好照顧我,今次開工我要戴一個髮片,我有次同佢講話夾到甩咗好多頭髮,佢第二日就買咗個生髮用品畀我,係窩心。」林景程笑言易宇航廣東話發音有欠清晰,拍攝時引發唔少笑彈:「拍攝時要好用神去追住佢講嘅每一隻字,一個不留神就會聽唔到佢講咩。有時又會以為佢講粗口,忍唔住笑咗出黎就NG咗。」為咗做好「豬肉西施」,Katy事前做足功課為咗做好「豬肉西施」,Katy事前做足功課

而三大重要角色中,以龔嘉欣飾演「豬肉西施」最具話題,於劇中靠賣豬肉為生嘅螢嬌,賣豬肉時有姿勢兼有實際。據知為咗打好斬豬肉呢份工,龔嘉欣事前專誠拜師學藝:「有搵師傅去廚房上堂,了解豬嘅結構同埋落刀位。到正式拍攝時,豬肉檔老闆娘May姐喺現場都有指導番我啲手勢,同埋幫我睇playback,如果做得唔夠好,我哋就會再拍,我好佩服May姐,佢身形同我差唔多,但佢斬起豬肉時手起刀落,好有型!」龔嘉欣續指由於斬豬肉刀重量十足,故斬得耐會手指痛。
成個劇組喺現場拍攝亦係落足心機成個劇組喺現場拍攝亦係落足心機
龔嘉欣喺劇中應付唔少動作場面,問到之前憑《殺手》角色,令觀眾留下深刻印象,龔嘉欣指今次角色因為有神力,所以同之前啲打戲唔一樣,主要係托起個人同將啲人掉出去。龔嘉欣續說:「可能我唔夠啲男仔重,所以試過拍拍吓畀啲威也扯番轉頭。」
Katy今次再度飾演好打得嘅角色Katy今次再度飾演好打得嘅角色佢就話今次嘅打法同以往好唔同,唔單止有神力,腳法亦相當一流佢就話今次嘅打法同以往好唔同,唔單止有神力,腳法亦相當一流

由於「螢嬌」喺另一個維度嘅身份係鬍鬚佬,故此即使龔嘉欣身處現實世界仍會不停生鬚,亦係螢嬌一個不可告人嘅秘密。龔嘉欣要黐鬚拍攝:「我個角色喺唔同階段,會有唔同長度嘅鬍鬚。監製好好,佢盡量都唔使我黐太多鬍鬚,因為始終膠水會敏感,都試過成面起晒紅點。同埋有一樣麻煩嘢,就係黐住鬚食唔到嘢,每一次都食嘢前都要落番啲鬍鬚先,辛苦晒化妝同事。」
呢個鬍鬚造型係劇中重要關鍵呢個鬍鬚造型係劇中重要關鍵

齋睇Katy埋位拍攝打戲前嘅練習同準備,就知道佢係天生一副好身手齋睇Katy埋位拍攝打戲前嘅練習同準備,就知道佢係天生一副好身手

 相關推薦