張敬軒承諾票房破2000萬騷肌 心疼英國騷歌迷高價8萬買黃牛

張敬軒與老友王菀之主演賀歲片《超神經械劫案下》,呢日舉行優先場,軒仔聯同戲中演員落力謝票,與觀眾互動玩遊戲,日前軒仔貼出裸跑戲劇照,率先派福利,令網民大飽眼福,更游說導演釋出裸跑嗰場嘅刪減片段。

軒仔指起初睇該片片長係2個鐘,到朋友睇而家上映版本反而覺得劇情有啲跳,講到佢哋拍裸跑戲特意練掌上壓,楊天宇喺開拍前有鍛煉身體:「為求做到最好,一開頭見導演,佢話想好似變形俠醫咁,我即話其實冇咩可能,佢話最主要操手臂,因為佢話唔使除衫,點知就除咗(衫)。」

軒仔承諾票房破2000萬騷肌,有向網民誠徵派福利方案,軒仔將前往英國開騷,提到歌迷反應熱烈,個唱飛一票難求,更有傳炒至天價8萬元一張,軒仔稱呢位歌迷呢日都在場,早知自己唱畀呢位歌迷聽,笑稱可以問價,軒仔並唔同意買黃牛,不過佢唔考慮再加場,想之後歸隊與眾演員一齊出席謝票活動。

 相關推薦