兔年蘇民峰娛圈大預測 馬明靚湯有機雙囍臨門

今日係大年初一,先恭祝大家萬事勝意、心想事成,新年啱啱嚟到,除咗近幾日嘅流年運程之外,呢日我哋就再邀請 蘇民峰 師傅為大家預測一下娛樂圈今年嘅各種大小事喇。

周奕瑋 就率先自肥,先問吓師傅自己嘅兔年發展係點,而師傅就預測指2024年經濟會重回正軌喇。至於財位今年就位處正南方,師傅話擺杯水加粒黑色石頭,就可以催旺財運喇。至於渴望姻緣來臨嘅單身男女,就要喺正北方擺一盆植物,外面再以9枝紅花圍住喇。而對娛樂圈中人非常重要嘅桃花位就喺西南,擺杯水加個音樂盒播吓音樂,咁就對桃花運非常有利呀。

至於兔年犯太歲嘅朋友,屬兔同屬雞就要留意是非多喇,而屬兔嘅 湯洛雯 就可以喜事化解,師傅仲估計話估計佢哋唔結婚就有分手危機,加上師傅話 馬國明 八字夫妻相沖,即係代表今年有結婚、分手或者有BB嘅玷能,所以師傅就大膽預測佢哋可能雙喜臨門喇。


近年樂壇新人輩出,唔少新一代都有不俗成績,師傅就預測 Gigi炎明熹 仲有幾年大運臨近,事業會繼續有唔錯表現,有排行運呀。而Windy詹天文就運勢平穩,Chantel姚焯菲嘅個人高峰運會喺24到25年出現,唔知係咪負笈海外之後再有突破發展呢?Yumi鍾柔美同樣係2024年會再有好發展喎。

另外喺《美麗戰場》入面都有非常好表現嘅 陳瀅 劉佩玥 同 蔣嘉旻 成為新生代舉足輕重嘅花旦,同樣屬蛇嘅佢哋發展未必太多突破,而個人運方面就以阿Moon食正近年運程,反之陳瀅同反骨琪兩姊妹,就係24、25兩年運勢最旺呀。桃花方面,佢哋喺2024年都係桃花年,既有人緣可能姻緣都一樣有機會呀。

男士方面 張振朗 周嘉洛 丁子朗 同 孔德賢 都發展不俗,啱啱喺台慶頒獎禮獲得最受歡迎電視男角色嘅嘉洛,就可能要靜候下一個高峰期喇。近年有唔少機會嘅丁丁同Danny運勢亦都非常好,師傅就預測佢哋會有唔少發展喇。而 張振朗 就暫時要再努力工作,守候下一次機會喇。

師傅又提到,屬鼠同屬馬嘅朋友,喺兔年都有唔錯嘅運程呀。

 相關推薦

東張+ | myTV SUPER 24小時即時新聞 本地、國際時事熱話
東張+ | myTV SUPER 24小時即時新聞 本地、國際時事熱話
東張+ | myTV SUPER 24小時即時新聞 本地、國際時事熱話
東張+ | myTV SUPER 24小時即時新聞 本地、國際時事熱話
東張+ | myTV SUPER 24小時即時新聞 本地、國際時事熱話
東張+ | myTV SUPER 24小時即時新聞 本地、國際時事熱話
東張+ | myTV SUPER 24小時即時新聞 本地、國際時事熱話
東張+ | myTV SUPER 24小時即時新聞 本地、國際時事熱話
東張+ | myTV SUPER 24小時即時新聞 本地、國際時事熱話
東張+ | myTV SUPER 24小時即時新聞 本地、國際時事熱話