中年好聲音|何博文李佳龍婷脫穎而出 何廣沛現身錄影支持多年老友

正進行新一輪個人戰嘅《中年好聲音》新一集喺年卅晚播出,當中以 李佳 龍婷 同 何博文 嘅表現最受評判青睞,而呢日 何廣沛 就現身錄影廠,現場支持已經相識多年嘅老友何博文,仲話老友嘅潛力仲未完全發揮出嚟咁話。

Matthew話雖然博文呢集獲得高分,不過自細聽對方嘅唱歌聽到大,仲話「搏懵」唱得出歌曲當中嘅感情,仲話佢仲未完全爆發出自己嘅百分百表現呀。

而一向表現平穩嘅 鮑聖光 呢集就同「二家姐」 李思林 雙雙跌入危險區,鮑大人事後就坦言係準備不足歌詞未背熟所致喇。而二家姐雖然分數普通,不過佢就滿意自己表現,仲話歌曲非常有紀念性,所以已經覺得無憾咁話呀。

 相關推薦