仙姐新年現身雍容華貴 法拉乖女拜年甜入心

兔年一洗過往幾年嘅低沉,大家都可以出門向親友拜年團圓,而貴為梨壇大前輩嘅仙姐 白雪仙 就有一班後輩喺大年初去到仙姐屋企拜年喇,當中除咗有當年雛鳳鳴劇團嘅一班成員現身向師父仙姐拜年之外,仲見到 陳寶珠 謝雪心 資深傳媒人汪曼玲 陳善之 等等一齊熱歡聚,更一齊食豐富開年飯。


寶珠姐向師父仙姐拜年,一紅一綠襯到絕寶珠姐向師父仙姐拜年,一紅一綠襯到絕
仙姐就以淺粉紅色打扮配招牌墨鏡出現,雍容華貴加親切笑容再逐一同賓客合照,大家都過咗一個笑聲不斷嘅年初一呀。


仙姐大年初一招呼大班徒弟後輩歡聚一堂仙姐大年初一招呼大班徒弟後輩歡聚一堂
至於早前喺香港拍攝完張家輝新片嘅 陳法拉 ,已經飛返美國同老公囡囡一齊過新年,雖然身處外地,不過法拉一樣有教囡囡「小米妮」過年傳統,法拉喺社交平台Post相,見到小米妮著住傳統棉襖,向父母下跪請安拜年非常可愛,而爸爸Emmanuel Straschnov同法拉都帶住滿足微笑,仲準備利是俾小米妮呀。


法拉嘅囡囡跟媽咪學識儀統禮儀,新年向父母請安拜年法拉嘅囡囡跟媽咪學識儀統禮儀,新年向父母請安拜年

 相關推薦