黃金萬両丨萬家新抱孖奶奶跳Dem beat 今晚上演地獄版「新抱廚房」

賀歲劇《黃金萬両》為令觀眾睇得開心又過癮,劇組喺劇中加入唔少搞笑元素,好似喺22號晚播出嘅一集,三位飾演萬家新抱嘅麥美恩、朱智賢同江嘉敏就化身「萬家女團」,大跳大學流行嘅 Dem Beat 嚟幫佢哋嘅老公打氣,三位萬家家嫂仲同埋奶奶 薛家燕、林漪娸一齊還原風靡一時嘅「何東 Dem beat」呀!
萬家女團 - 金枝萬家女團 - 金枝萬家女團 - 小玉萬家女團 - 小玉萬家女團 - 龍九萬家女團 - 龍九萬家女團 - 萬紫千紅萬家女團 - 萬紫千紅
朱智賢話開拍前自己就已經好期待拍呢場Dem Beat戲,仲話場戲令佢諗返讀大學嗰陣嘅時:「拍之前都好期待呢場戲,喜劇加上呢個元素感覺好得意,今次最搞笑係同同事做呢件事,仲要係同家燕姐喎!」朱智賢話拍攝前大家用咗一日嚟排練,本身只係得𨂽地動作,但為咗配合口號,佢哋就自己設計咗啲動作嚟配合。

但係講到拍攝中最難嘅事,朱智賢就話係要喺37度高溫下,仲要撐大對眼嚟拍:「拍攝時係太陽曬到正,最辛苦係曬到大家眼都擘唔開,拍嘅時候都要盡量撐開對眼。」而江嘉敏就話自己一直好想試呢玩Dem Beat,佢睇片本來以為係件好易嘅事,但係跳起嚟一啲都唔易:「好彩我哋幾個家嫂好有默契,加上家燕姐、漪娸姐都有一齊玩,大家仲會一齊創作口號,成件事好溫馨。」
新抱廚房 - 地獄版。新抱廚房 - 地獄版。
而23嘅晚呢集,三位夫人就上演「新抱廚房」炮製開年菜,但係佢哋嘅廚藝係點,相信大家都估到啦!都唔講麥美恩煮雞變飛雞、朱智賢醋同豉油都分唔到喇,江嘉敏整個冬瓜盅,竟然將條抹布都擺埋入去當花膠煮?!
江嘉敏煮咩煮到咁嬲?江嘉敏煮咩煮到咁嬲?
雖然以上係劇情,但問到現實中佢哋嘅廚藝係咪一樣咁「地獄」?江嘉敏就話自己開火煮個麵麵仲識嘅,佢又指因為之前家人唔舒服,所以煮飯嘅重任就交咗畀佢,當時嘗試咗人生第一次煲粥,仲話煮完出嚟係出係獲得家人正評呀!聽到呢度係咪都覺得江嘉敏廚藝好似幾OK?點知佢就自爆煮嘢食嘅驚險事:「之前試過用微波爐叮鬆餅,已經搣晒所有錫紙就咁擺喺碟度去叮,點知叮到第 3、4 秒時,無啦啦嘭咗 一聲再着火,事後都即刻換咗個微波爐,嗰排係有啲陰影!」

賀歲劇《黃金萬両》年卅至初七 20:30 翡翠台

黃子恆個樣點解又咁苦惱?黃子恆個樣點解又咁苦惱?

 相關推薦