黃金萬両丨Mayanne自創肢體動作 扮江嘉敏朱智賢超爆笑

根據中國傳統習俗,初三係容易口舌招尤、同人發生爭執,為防招惹口舌是非,通常都唔會去拜年。而賀歲劇《黃金萬両》喺赤口播出嘅一集,薛家燕飾演嘅萬家一家之主萬紫千紅,就要萬家三房人挑戰唔可以犯赤口禁忌,結果笑料百出。
獎門人都出埋。獎門人都出埋。估下Mayanne想講咩?估下Mayanne想講咩?
劇中Mayanne麥美恩飾演嘅龍九,為咗令曹永廉飾演嘅老女公萬帥可以順利贏得金大碗,而去寺廟求咗道勁爆開運符,由於道符嘅副作用係陽痿一年, 所以龍九最終出手阻止,仲誤服咗符水搞到失聲,要用手語同肢體動作同眾人溝通。
Mayanne自創肢體動作。Mayanne自創肢體動作。
 Mayanne誇張嘅肢體動作配上搞笑表情,令觀眾睇得相當過癮,事後佢接受訪時,表示呢場戲嘅手語全部都係佢自己設計,Mayanne話因為大家都知場戲係需要喜感,所以自己都好放去演,加上當時已經同眾演員合作咗幾個月,大家互相都好了解對方嘅性格同小動作:「我自己諗咗一堆動作,去到現場再做畀佢哋三兄弟睇,睇吓佢哋畀咩反應,將最好笑嘅演晒出嚟,佢哋最鍾意我扮江嘉敏同朱智賢啲動靜!」之前喺劇集《痞子殿下》中要同曹永廉飾演情敵爭鎮首,而今次佢兩個就要飾演夫妻,Mayanne話夫妻嘅感覺全靠曹永廉去Lead,仲讚對方做小男人真係好似。
年初四呢集講迎財神。年初四呢集講迎財神。黃子恆就話呢場扮財神戲拍得相當辛苦。黃子恆就話呢場扮財神戲拍得相當辛苦。
初四晚播出嘅一集,就會繼續跟足傳統「迎財神」,萬家三兄弟化身財神派利是。當中飾演二仔萬年嘅黃子恆,就話呢場扮財神戲拍得相當辛苦:「嗰套財神衫好有質感,好似棉胎咁,加上嗰段時間我開緊另一套劇,前一晚收咗廠就直接拍呢度,拍嘅時候又喺正中午12點,加上有少少動作戲,真係近乎去到中暑嘅邊緣。」黃子恆話因為自己少接觸喜劇,所以盡力去做盡力去玩。

賀歲劇《黃金萬両》年卅 至 初七  20:30 翡翠台播出。

 相關推薦