唔少人都鐘意睇魔術揭秘，由著名魔術師甄澤權、馮盈盈同何依婷主持嘅節目《魔法伽利略》，就係解構揭露魔術入面嘅科學原理，呢集就請嚟黎諾懿、陳敏之、陸浩明同波波黃婧靈上嚟一齊大玩魔術遊戲。

6號笑言隊友波波堪稱係大腦黑洞，將所有科學都反轉晒，令到諾懿同敏之呢組贏面大增，而諾懿同敏之見到6號咁慘，就話如果佢哋最終真係贏出嘅話，會將禮物同6號三人對分，叫佢唔好咁傷心。

對於被指係豬隊友，波波就解釋自己員係思想同大家唔太一致，仲同6號撒嬌話對方會carry佢，而喺隔離嘅諾懿，就加把嘴反問早前自稱畢業嘅波波，笑問佢個學位係咪買返嚟，令到波波大叫話自己真係好努力去讀先畢到業呀。

敏之同6號已經唔係第一次同Louis Yan合作，佢兩個話雖然好想知個魔術係點做到，但係佢哋都智忍住個好奇心唔去問。而對魔術都頗有研究嘅諾懿，就話自己平日會教下囝囝小春雞玩啲簡單魔術，又會用魔術嚟氹老婆。

曾經以小學雞魔術嚟出戰華姐嘅盈盈，如今已經成長可以做到Louis助手，但係6號話依然難以忘記對方當年嘅表演呀。

到底「蠔」係咪真係食物界中嘅「男士恩物」？資訊節目《健康必殺食》6號晚播出嘅第一集，兩位主持 陸浩明 同 鄭衍峰Leonard ，將會聯同嘉賓主持 馮盈盈 、 Regina何依婷 、 林凱恩 同 波波 黃婧靈，一齊同大家探討一下！
首集講食物界嘅男士恩物。出海搵蠔
6 號、Leonard、馮盈盈同何依婷首站去到流浮山，兩位男士孖住出海採蠔，而兩位女士就會同靚仔廚師 Oreo 炮製柚子蜜餞金蠔配千層薄脆。

煮嘢食時，四位主持瘋狂食字搞爛 Gag，當Oreo話要煨金蠔時，四位轉數快嘅主持即好合拍咁對住金蠔係咁嗌「喂」，而要煎金蠔時，大家就將呢個重任交咗畀Regina，6號仲笑住話原因係佢叫「Re 煎 na」。
再去摘木虌果(天堂果）。
另一邊廂林凱恩同波波就去到農莊摘木虌果(天堂果)，原來天堂果含有豐富茄紅素，有助減低患前列腺癌風險，陳國強師傅仲即場以天堂果入饌，炮製「好腰好腎好男人必食菜」京蔥爆豬腰，同埋「守護前列腺健康必殺食」天堂果燴肥牛。

Oreo被指似吳卓羲。
第二集主題係「超級食物」，嘉賓主持就請嚟邵初、江嘉敏同梁凱晴。6號聯同三位靚女去農莊玩遊戲，落田尋覓「超級食物」，不過百厭嘅邵初竟然收埋食材。

而江嘉敏就同Oreo相當投契，6號話自稱單身嘅Oreo睇落好似吳卓羲，Oreo聽到都話曾經都有人講過佢似，江嘉敏聞言即話：「我細個都好鍾意吳卓羲。」所以Oreo就即席唱咗幾句吳卓羲嘅《別怪她》。

第三集主題係「卵類食物」
第三集主題係「卵類食物」，嘉賓主持有林秀怡、陳詩欣和林鈺洧。Leonard帶住林鈺洧、林秀怡去到雞場尋找罕有嘅「雙黃蛋」。由於萬雞當前，嚇到兩位女士尖叫連連，遴迍嘅鈺洧仲不慎揸爆蛋，場面搞笑。之後佢哋又同陳國強學煮蛋料理，其間林鈺洧大晒拋鑊功架，雖然表現姐手姐腳，但最終成功過關。

《健康必殺食》 逢星期一至三 22:30 翡翠台
睇相都feel到佢哋有幾驚。