關嘉敏同焦浩軒喺《愛·回家之開心速遞》演情侶成功入屋，呢日以CP檔拍廣告搵真銀，關嘉敏喺劇中飾演充滿暴力嘅野蠻女友，經常出手搣男友，關嘉敏受訪即為自己平反，澄清現實中自己係溫柔女友，絕對唔會郁手郁腳！

關嘉敏笑言愛上「洪海迪」呢個角色，喺劇中可以恰焦仔，焦仔指關嘉敏好專業，雖然關嘉敏表情做到好似好惡咁，其實搣嗰吓一啲都唔痛，焦仔喺劇中成日被女友恰，佢話現實中一定唔搵野蠻女友：「啱傾又舒服，我好少寫條件，以前會有，而家冇。」關嘉敏同焦仔拍劇時默契十足，焦仔透露成個劇組氣氛都好好，大家都因拍劇而成為好友。

翡翠台星期日晚播出嘅《中年好聲音》決定12強誰屬，緊張氣氛同激烈比賽，令跨平台直播收視最高有24.7點(159萬觀眾），比上周再升1.2點 ， 成為自節目開播以來最高收視嘅一集，同樣亦係上星期最高收視節目。

隨住比賽進入更激烈競爭階段，12強正式誕生，加上譚校長親任評審同時道出多首金曲背後 故事，又親身解構名曲《霧之戀 》歌詞「 閃爍 」（音：削） 同「 閃礫」（音瀝）讀音由來，吸引唔少觀眾收睇。

至於翡翠台星期一至五黃金時段各節目收視保持平穩 ， 資訊節目《東張西望》直播收視最 高23.6點(152萬觀眾)；處境劇《 愛·回家之開心速遞 》最高收視22.6點(145萬觀眾)；《新四十二章》大結局最高收視22.4點(144萬觀眾）；《廉政狙擊》最高收視20點(129萬觀眾)；《吃貨橫掃曼谷》最高收視15.7點(101萬觀眾）。

而上周四首播嘅《請1日假去旅行》最高收視15.4點(99萬觀眾）；周五晚嘅《獎門人Ladies First感謝祭》最高收視21.6 點(139萬觀眾）。 而星期六播出，由甄子丹主演嘅電影《葉問4完結篇 》最高收視18.5點(119萬觀眾) 、 周日晚嘅《香港飯局 》最高收視則有14.7點(95萬觀眾)。