80年代香港經濟起飛，影視行業亦百花齊放，唔少節目都開始向社會唔同階層觀眾著手。而當年亦有唔少兒童節目顧及小朋友，好似 張繼聰 就早喺幾歲就參演好多唔同廣告、節目同戲劇拍攝，1986年再參與港台劇集《晴天雨天孩子天》演出，仲擔任當中嘅小男主角。
阿聰之後長大成人入讀演藝學院，之後入行唱歌演戲，仲有唔少出色作品，更憑近來作品《窄路微塵》入圍金馬獎曼佳男主角，又當選成為香港電影評論學會大獎最佳男演員。
而呢日阿聰仲喺社交平台出Post，分享當年令佢立志成為好演員嘅首部作品，同當年《晴天》嘅一班「小演員」聚舊，仲將當年劇照再案件重組，喺37年之後再重新影過一張更新版，成班朋友重聚眼神仲齊齊流露返當年嘅鬼靈精怪同深藏嘅百厭基因，唔怪得人哋話最緊要心境保持年青啦
佢仲留言話：
我哋嘅童年都係喺片場渡過
全部都係好快樂嘅回憶
見返大家真係好開心
特別感謝導演張少馨女士
多謝Sheila姐姐，係我六歲嘅時候第一次搵我做男主角冇嫌棄我好曳，令我立志長大之後要成為一個好演員
(Facebook圖片)