[直播] 《風再起時》首映

娛樂新聞

2023-02-07 18:00

犯罪傳記式電影《風再起時》即將正式上映，呢部由七大金像、金馬影帝影后梁朝偉、郭富城、許冠文、太保、艾迪、謝君豪、同春夏合作嘅新片，仲代表香港角逐第95屆奧斯卡金像獎最佳國際影片。今日舉行嘅首映禮一定星光雲集，ENews同大家一齊直擊現場情況。

郭富城睽違8年赴新加坡開騷連場勁歌熱舞展現驚人彈跳力

郭富城相隔8年重臨新加坡舉行演唱會，今年重啟世界巡迴旅程，城城率先完成美加站，再展開第二階段巡唱，首站就係新加坡開騷，歌迷反應非常熱烈，兩場門票瞬間秒殺，呢位舞台王者全程勁歌熱舞俘虜歌迷，現驚人彈跳力，狀態十足，歡呼聲不絕於耳。

城城先以經典快歌《狂野之城》、《唱這歌》打開序幕，現場氣氛熾熱，歌迷們紛紛企起身邊跳邊唱，接住城城連串經典慢歌，歌迷冧爆和唱，心情大好嘅城城不時與歌迷玩估歌名；城城喺台上向歌迷表示8年冇見非常想念，讃新加坡歌迷又熱情又長情，城城喺演唱會尾聲唱《愛的呼喚》答謝歌迷默默支持及鼓勵；著名電視製作人蔡和平及家人更專程前來捧場，連睇兩晚，盛讃城城超水準演出。