早前主持《無窮之路》系列、又連續兩年喺《萬千星輝頒獎典禮》 中獲得「最佳女主持」嘅 陳貝兒 ，日前現身 中史電視台《2023年元宵晚會》擔任表演嘉賓，仲首度以古裝造型亮相，以粵語獻唱「千古第一才女」 ；宋代女詞人李清照嘅《聲聲慢》。
據知，今年《元宵晚會》跨媒體直播接觸逾3.32億人次，Janis嘅表演更係當晚最高收視環節，相關微博話題「#TVB將宣揚傳統文化貫穿到底#」亦勁吸逾6300萬閱讀量。
近年喺內地人氣爆燈嘅Janis，旱已憑《無窮之路》節目系列勁吸5.1億閱讀量，贏盡好評。而以往香港藝人亮相央視大型活動，大部分都以普通話表演，今次Janis打破傳統獻唱粵語實屬難得機會，難怪佢對可以喺內地節目宣揚粵語文化覺得非常開心喇。
Janis又喺寫交平台寫道：「《聲聲慢》是宋代女詞人李清照的作品，能夠在央視元宵晚會的舞台上用粵語把 這首詞的意境演唱出來，非常難得又難忘！」佢又話今次表演暗藏三大挑戰，好似唱歌、著古裝同演戲都非自己擅長嘅，勇於接受唔同挑戰嘅佢，又為自己打氣話：「我同自己講：我一定會做好佢！當人哋都覺得你得嘅時候，自己更加冇理由懷疑自己。扎扎實實做好每一件事情，不斷咁突破自己，令自己變得多姿多彩。」
貝兒表演完之後仲透露，身上古裝全身造型都係根據古藉當中所講述嘅李清照還原，佢詔：「造型老師說，整個妝容髪型是仿照宋代李清照設計，而且身上穿著嘅都係文物。」