周興哲開騷前見Fans熱身見面會變迷你個唱派福利

娛樂新聞

2023-02-09 15:30

今個月底就會喺紅館舉行演唱會嘅台灣歌手周興哲日前同逾千歌迷先舉行一次見面會熱身，不過喺呢次Fans Meeting當中，就似乎係變咗佢嘅一次小型音樂會，Eric又向到場Fans送抱近距離接觸，難怪個個都笑到見牙唔見眼啦。

Eric呢日喺現場自彈自唱，又同台下歌迷全場大合唱。今次係Eric相隔5年之後再次踏上紅館舞台，呢日佢就提到今次將採用四面舞台設計，仲會為香港歌迷準備特別驚喜咁話呀。

鑽石山兇案｜林作疑被保險公司解約抽水指有同款鞋拍賣惹眾怒

近日喺鑽石山發生兇案之後，當日片段圖片瘋傳，社會對慘劇都高度關注，自稱為香港抽水王嘅林作隨即出Post指自己有嫌犯同款跑鞋出售，不過呢次唔少人就認為佢太過火。雖然之後佢已瞬即將相關Post刪除，但係又連日多次出Post指出自己呃Like抽水「沒有任何事情是不應該被用來開玩笑的」，引起網上一片討伐。

事後林作指「堅決不為我的言論道歉」，不過星期日中午，林作任職嘅保險公司，就罕有於允許於社交平台出Post，指有理財顧問就社會悲劇作出不當言論及行為，故已終止合約。

簡短聲明又指公司內有清晰社交媒體指引，故個人言論並不代表保險公司立場。而公司內部亦有消息指，涉及被終止合約者為林作。