英皇娛樂喺7號晚舉行開年飯敍，除咗英皇集團主席楊受成博士、英皇集團副主席楊政龍、英皇娛樂集團行政總裁許佩斯、英皇娛樂集團營運總裁霍汶希、英皇娛樂集團執行副總裁張雅麗外，英皇娛樂號旗下藝人：容祖兒、張敬軒、蔡卓妍、李幸倪、泳兒、關智斌、溫碧霞、周勵淇、吳浩康、何珮瑜、沈震軒、湯怡、許靖韻同曾樂彤等都有出席。
由於疫情漸趨穩定，加上社交距離措施放寬，所以呢晚邀請咗近百傳媒出席，集團主席楊博士仲帶領一眾藝人同大家拜年，希望大家今年可以：「發過豬頭炳呀！」
而Mani亦開心表示因為因為疫情關係，佢哋已經有成三年冇搞飯敍，直到最近疫情穩定，先決定再次舉行飯敍，Mani話：「都好希望可以同傳媒朋友聯誼一下，加上又有新嘅媒體都好想認識，又咁啱好多artist都喺香港，所以今年真係好熱鬧。」
