汪明荃李司棋70年代當家花旦組「新TWINS」 校友+北角街坊勁有緣

汪明荃同李司棋於70年代係電視圈最紅當家花旦，二人縱橫演藝圈逾半個世紀，原來佢哋隨咗同屬TVB，汪阿姐同司棋姐更係小學、中學校友，目前更係北角街坊，非常有緣。

佢哋日前分別喺IG貼出合照，見佢哋一齊大嘆美食，更寫住「2月9日 聖猶達小學暨蘇浙公學暨麗的映聲藝員訓練班舊生會+北角街坊聚會」，相中見二人造型相近，又著紅衫及戴上圓框眼鏡，不少網民大讚佢哋望落幾似，可以組「新TWINS」。

當年汪明荃、李司棋、黃淑儀及趙雅芝係70年代電視圈最當紅女星，被稱為「TVB四大花旦」，幾乎電視劇都見到佢哋，司棋姐同汪阿姐更係合作無間，佢哋演過最經典就係1976年嘅《書劍恩仇錄》，分別演「駱冰」及「雷青桐」，令觀眾印象深刻，佢哋喺1990年拍《朝陽》，由汪阿姐、毛舜筠、 司棋姐及夏雨等主演嘅時裝劇，司棋姐飾演嘅「方詠詩」，喺劇中更係阿姐嘅好友。